泰星匯泰國菜

营业中

休息中

今晚約了朋友出葵芳，很久冇行，到達後就去這間小巷位餐廳吃晚餐，之前經過看了門口餐牌食物不錯，入了去，座位寬鬆，看了一會餐牌叫了椰青  大個，打開蓋滿滿椰水，飲一口好鮮甜椰子香味龍眼冰  杯面舖滿龍眼肉，龍眼肉爽口，特別清新甜龍眼香味，甜度適中全日餐-泰式乾炒肉片河  幼滑粉身，炒得好乾爽，獨特多了一種泰式香味，肉片好軟霖爽滑，濃鮮香肉味馬拉盞炒通菜  細條嫩菜身，炒得好爽脆口，一吃除有新鮮菜鮮味配了濃蝦醬香味，另一種菜味口感泰式拼盤  炸魚餅/炸蝦餅/炸春卷/炸雞翼每件都炸得好脆身，入口脆卜卜，魚餅同蝦餅有厚度，彈牙滑肉，好鮮香魚味同蝦味，春卷同雞翼軟霖，好鮮香肉味同雞香味沙嗲串燒 (4串)  選配了豬肉同雞肉，肉烤得脆嫩彈滑，好鮮豬香味同雞香味，肉點配沙嗲醬一起吃，多一份層次微辣香味道芒果白糯米飯  特色口感，晶白飯身煙煙軟滑，面舖有濃香椰奶味，芒果清香甜味，甜味剛好

今晚同女友喺葵芳覓食，經過「泰星匯泰國菜」🍽️，竟然意外食咗一頓超正嘅泰式晚餐，真心推介！👍 — ### **1. 泰式生蝦刺身 🦐🔥（鮮辣開胃）** 生蝦絕對係考驗泰菜新鮮度嘅指標！蝦肉晶瑩剔透✨，擺盤精緻，配蒜片同辣醬🌶️。入口冰涼彈牙，鮮甜中帶酸辣，後勁十足！ ### **2. 冬陰功湯 🍲🌿（酸辣醒神）** 湯色橙紅透亮，香茅、南薑香氣撲鼻💨！酸辣比例啱啱好👌，椰奶平衡辣味，蝦肉同草菇鮮味爆棚！ ### **3. 炭燒泰式豬頸肉 🐷🔥（焦香軟嫩）** 外皮微脆，內裡juicy多汁💦！蘸酸甜醬同花生碎🥜，配青木瓜絲超開胃～ ### **4. 泰式金邊粉 🍝🍤（鑊氣十足）** 炒得乾身唔油膩，鑊氣香🔥！大蝦彈牙，甜中帶微酸，好開胃～ ### **5. 大椰青 🥥❄️（清甜收尾）** 冰涼透心💙，甜度天然，椰肉嫩滑似布丁🍮，完美解辣！

葵芳美食一向多，今日朋友帶我到一家小店泰菜，門面小巧溫馨，有套餐散叫亦可，選擇頗豐富！豬頸肉生菜包大大塊新鮮生菜，加上厚切烤香的豬頸肉，軟嫩得來帶嚼勁，一口肉一口菜，絕配。青咖喱牛肉香氣撲鼻的青咖喱，微辣惹味，加上煙韌有肉味的牛肉片，配飯一流。薑蔥蟹肉海鮮炒粉絲穫氣十足，爆香薑蔥配有清甜啖啖蟹肉，海鮮豐富有蜆肉元貝等，粒粒厚肉，粉絲入味非常！蒜蓉炒椰菜苗泰菜除了通菜必食椰菜苗，翠綠帶鮮甜爽滑口感，蒜香味一絕。椰汁冰濃厚椰奶味，龍眼冰清甜滋潤，配泰菜解膩一流，清爽。意想不到的驚喜，店面雖少，內臟俱全，值得推介！

今日晏晝落葵廣shopping完又係搵食嘅時候😋去咗泰星匯食泰國菜首先必點泰國生菜包$89脆嫩嘅生菜包配搭微微辣既肉碎每一啖都好Juice😋小食泰式拼盤$69有雞翼，春卷其他炸物類馬拉盞炒通菜$72泰菜必點通菜啲菜新鮮又唔會太辣的😗黃咖喱雞$90黃咖喱雞係一道經典既泰國菜通常使用嫩雞肉，搭配椰漿和香料製作而成這道菜的特色是濃郁的黃咖喱醬味道香甜並帶有微辣的口感配搭薯仔蒜蓉包$49蒜蓉包搭配黃咖喱雞完美的組合！蒜蓉包外酥內軟散發著濃郁的蒜香與香濃的黃咖喱雞相得益彰每一口都帶著咖喱的香料風味和蒜香的層次讓人陶醉於這道美味的融合中既豐富又滿足最後點少得甜品芒果糯米飯🍚芒果好新鮮👍🏻👍🏻糯米飯食落口竟然係暖笠笠

今日去葵芳接細妹放工，然後兩姊妹便去附近搵食，細妹話見到有間泰菜的鮮打水果沙冰買一送一非常抵食，所以就入咗去食。內裏的裝修很有泰式風情。一坐低即刻嗌咗，芒果沙冰同菠蘿沙冰，買一送一，很化算，全部用新鮮生果打成綿綿冰，入口即溶水果味超濃，真係透心涼。晚上的早餐超級便宜，冬陰功豬扒金邊粉還配了一杯鹹檸七，冬陰功非常香濃，酸甜辣度都剛剛好，可能我哋兩個都太肚餓，全部湯都飲清光。香葉炒大蜆～呢碟炒大蜆真係超級惹味，極多配料加入香葉同炒，沒有多餘的水份，另到大大隻又飽滿的蜆肉都掛滿醬汁，呢碟炒大蜆真係超級惹味。蛋花咖喱蟹肉海鮮配蒜蓉包～濃杰的蛋花咖喱遇上香脆蒜蓉包，簡直就係絕配，海蝦彈牙，魷魚鮮甜，雖然蟹肉不算多，但係咖喱醬係靈魂，配包撈飯都係一流。泰式芒果絲脆炸起肉鱸魚～鱸魚起肉炸到香脆，然後鋪上大量的酸辣芒果絲，冷熱交融，口感層次豐富，也是必點菜式之一。肉碎生菜包～每次食泰菜必點的菜式，呢間同我喺泰國食嘅一樣咁正宗，師傅調到味道啱啱好，不會過鹹，而且仲要非常大碟，好抵食。

約朋友去完studio在附近吃晚餐，點了幾道經典菜，先說「香葉肉碎炒飯」：肉末炒得乾香，打拋葉的香氣明顯，米飯很入味，吃很滿足。「辣椒膏炒蜆」醬汁濃郁帶辣，蜆肉新鮮無沙，辣得過癮而且很下飯。 沙爹串燒（牛、雞各兩串）炭烤香氣很足，牛肉軟嫩，雞肉多汁，蘸沙爹醬帶點花生香，不會太甜膩。中間配一杯「椰青沙冰」解辣剛好，椰水清甜，冰沙打得細，沒加糖喝起來很自然。 「芒果糯米飯」糯米軟硬適中，淋椰漿不膩，芒果甜但纖維略粗；「泰式奶茶」茶味濃，甜度比手搖飲甜一點，夠凍夠多冰剛好。薄餅現烤酥脆，沒餡料但蘸沙爹醬或辣椒膏都不錯。 總的來說，這餐份量適合2-3人分食，口味不過度調整，吃得出小店的實在感。如果喜歡泰式家常味，可以一試！

唔係講笑，呢間泰國菜真係不得之了！！又一隱世好店👍🏼👍🏼👍🏼同朋友特登過咗去葵芳行街，好耐都冇食過泰國菜，所以今日就喺附近試咗呢間泰菜。雖然店面好像平平無奇，但見到人流絡繹不絕、大概估計呢間店舖應該都唔錯！果然一如我所料，好食過九龍城嘅泰菜😆😆必須要介紹嘅係泰式甜酸蝦！佢嘅做法其實有啲似甜酸咕嚕肉，非常之開胃惹味！每一隻大蝦都處理過開咗背、炸過嘅大蝦再裹上甜酸醬汁，真係一絕！伴有好多菠蘿、蕃茄、青椒、芹菜呢啲配菜，呢一碟真係色香味俱全😋😋😋😋不得不提佢哋嘅超抵食全日餐，我叫左個香葉肉碎煎蛋炒公仔麵，跟埋飲品，就算特飲都只係加$10😍😍呢個主食真係邪惡得來，又令人難以抗拒，炒公仔麵真係冇人可以抗拒得到、上邊仲有隻煎到剛剛好嘅流心蛋😋柚子沙律十分清甜清爽，配有花生同埋煎香咗嘅蝦米粒、仲有青芒絲，真係非常之開胃～～蒜蓉炒椰菜苗係我每次必叫嘅蔬菜、嫩滑嘅椰菜苗配上蒜蓉去炒，食材嘅新鮮度無所遁形，必叫的一道菜式😆👍🏼👍🏼芒果糯米飯為我哋嘅晚餐畫上完美嘅句號！椰汁甜度剛剛好、芒果完全沒有酸味，係超甜嘅甜芒😍😍飲品方面，我哋叫咗泰式奶茶同埋椰青，椰青夠晒大隻，清甜解渴，仲可以食埋入邊嘅椰子肉！呢間餐

📍泰星匯泰國菜😍葵芳高質素泰國菜👍～餐廳環境靚😍食物質素高🥳店員服務態度好👍～冬陰公蝦湯😍好耐冇飲過咁正既冬陰公🤪非常濃郁🤤配料仲要好足👍～泰式炒金邊粉😍金邊粉非常大碟🤤調味亦都做得相當之好😘食到停唔到口啊☺️🥰～炸蝦餅😍蝦肉非常鮮甜🥰勁大嚿😘仲要炸得勁香👍～沙爹串燒😍串燒肉質非常嫩滑🥰燒得勁香😍沙嗲醬汁勁好味😘可惜只係叫得四串😌📍泰星匯泰國菜 (葵芳)葵芳信芳街40號地舖

之前都喺度介紹過佢嘅到會，其實我每個禮拜都嚟一次 ，因為我鍾意食泰國嘢 ，佢嘅味道好地度 ，唔只好食，仲係好抵食。每星期必叫嘅係兩個主打，泰式肉碎炒飯， 嗰隻煎蛋香到不得了，蛋邊係脆嘅，蛋黃係流心嘅。第二個就係泰式 炒河，記住係A1， 佢係用而家好少有嘅泰式闊河粉， 好似乾炒牛河嘅形式去炒，呢個出品係絕對穩定。另外試咗 一個沙爹豬扒飯，個汁好香椰子味 ，豬扒大大件，仲炸得幾好， 唔會柴 。最後叫左個泰式炒粉絲，就唔得啦，大家千祈唔好叫，好咸。餐廳嘅環境就揀漏啲，但係勝在唔夠平， 午市套餐連嘢飲55蚊，加十蚊仲有一個非常地道嘅冬陰功湯，值得推介。

同朋友行完新都會廣場特登過嚟呢邊食晚飯🙆‍♀️附近有好多唔同類型嘅餐廳,好耐冇食過泰國菜試吓先!泰式炒金邊粉🌟醬汁酸酸甜甜好開胃抄到好香口,配料有魷魚芽菜韭菜!泰式香辣椒鹽鮮魷🌟鮮魷粉薄新鮮彈牙,椒鹽辣辣地好惹味味道適中不會過鹹配埋白飯一齊食好正!冬陰功粉絲蝦煲🌟冬陰功甜辣味道剛好,粉絲口感爽口,大蝦鮮甜肉厚,份量好多好抵食!芒果糯米飯🌟芒果香甜糯米飯煙煙韌韌軟硬適中,椰漿香濃非常有驚喜!

非常難食的香茅豬扒飯, 豬扒又薄又乾, 炸到無晒肉味, 又無香茅味, 粉又厚, 加埋個沙爹汁仲不知所謂, 完全唔夾, 垃圾. 食咗一半, 掉了一半, 食完去睇到其他食評先知中伏.  老闆娘黑口黑面, 外賣盒額外收多4蚊, 非常離譜.價錢又唔係平, 仲衰過啲快餐店, 以後唔會幫親. 唔知點解咁多人去食?!?!?!

今日公司開party🎉，本來想搵上年嗰間到會公司，點知已經執咗笠😢。左揀右揀，最後決定試吓公司附近嗰間泰國餐廳，原來佢哋都有做到會🌟。結果真係冇令我哋失望，食品質素都好唔錯👍。最有驚喜嘅係佢哋嘅柚子沙律🍊🥗，老細真係好大方，柚子大大嚿，配埋木瓜絲底，加埋醬汁，超滿足🤤。串燒都非常好味🍢，一食就知係自己醃製，唔係嗰啲行貨，配埋沙嗲汁，好正！仲有個芒果糯米飯🍚🥭，芒果、糯米飯同椰汁都係分開上，真係好細心✨。下次如果大家想搵到會服務，可以考慮泰星匯，真係值得推薦👍。

11：30 午餐開始，早到未準備好都要等到11：37才上菜。點了泰式肉碎煎蛋飯，味道偏甜，小辣，有鑊氣。暫時係我食過咁多間嘅泰式肉碎飯，心水首選之一。轉泰式奶茶+$10.小甜小冰都係偏甜.但係絕對有泰式風味.午餐時間 11：30-14：45。然後18：00-22：00.

除左日本野之外, 我諗泰國野都係好多人鍾意食既菜式, 要辣有辣, 要香口有香口, 要清淡有清淡, 選擇好多.無意中見到呢間泰國餐廳, 雖然響民生區, 但係有好多人幫趁.泰國野最特式就係泰式生蝦, 肉質好彈牙, 食左一隻唔點醬汁, 感覺到蝦既鮮甜味, 完全無雪藏味. 如果點醬就帶少少辣味, 會醒胃D.仲有特式野係碳燒豬頸肉, 燒到表面金金黃黃, 微焦帶有一點香口, 但係肉質又保持嫩口同埋肉汁, 而且份量都幾多.最後仲有一個泰式香辣椒鹽鮮魷, 真係帶左少少辛辣味, 但係又未至於食唔到, 鮮魷唔韌, 新鮮有口感. 椒鹽唔算好多, 但係其他香料都帶出野味, 越食越開胃.

糧尾時份, 同事話搵間平靚正既餐廳食午餐, 有人推介呢間泰國菜, 平得黎仲有好多選擇.叻沙湯香茅雞翼米線, 個叻沙湯好香, 飲左啖湯好濃郁, 真係可以當湯咁飲晒成碗.d香茅雞翼微微炸過, 香口D, 而且放響湯粉唔會浸到林晒. 雞翼入面仲保持肉質嫩滑, 唔會好乾既口感.米線煮得剛好, 索晒叻沙湯既精華, 確實好味.同事既燒豬頸肉米線, 我地交換試左少少, 個湯好濃但唔會好咸, 燒豬頸肉既肉質好嫩, 無乾爭爭既感覺, 而且份量好多, 抵食.