豪宴薈

营业中

休息中

在銅鑼灣豪宴薈預祝父親節，2丁友所以唔太叫得好多餸，所以叫d簡而精既，而且爸爸鐘意食龍蝦！咁岩佢地又有新menu做緊offer around $300就有燒雞and龍蝦，咁就叫左呢個啦！脆皮吊燒雞半隻，但係隻雞都幾好肉，外層燒到幾脆口！而且夠多肉汁，外層脆肉又夠嫩，有雙重口感好正！上湯焗西澳龍蝦，大大碟賣相夠靚仔！龍蝦肉夠緊緻又多肉，味道帶上湯芝士香！爸爸食到唔停口，所以我都好滿意。瑤柱蛋白炒飯，炒得幾有鑊氣有份量，炒到粒粒分明夠質感唔會成碟油！用料簡單但係夠好食。整體環境夠大坐得舒服，食完仲有甜品送，紫米露糖水都好足料呢！