野川拉麵の深燒食堂

营业中

休息中

住元朗既朋友仔話帶我食好西，二話不説就飛車過去。餐廳主打拉麵、刺身、壽司、燒物、炸物等等，一步進餐廳就見到好大個iron man係門口睇場， 裝潢帶韓風風格，而非傳統日系風格。一坐低就留意到餐廳有優惠，只要share 餐廳社交平台，指定食物同飲品就可享有低至半價優惠。四品刺身盛合有活赤貝、北寄貝、三文魚同甜蝦，刺身新鮮鮮甜，有冰墊底確保保持新鮮。燒物有分海鮮、肉類同蔬菜三類，海鮮類叫左燒鮮活鮑魚同蒜蓉燒扇貝，肉質新鮮彈牙，燒扇貝有海量級蒜茸，非常野味。肉類叫左厚燒牛舌串同雞軟骨串，牛舌入口軟腍，牛味濃郁。蔬菜類叫左香蒜大茄子，有得揀辣同吾辣，我地揀左辣，諗住辣辣地野味啲。牛肉壽喜燒 牛肉份量都幾多，肉質軟腍，配菜有冬菇、金菇、娃娃菜、洋蔥同薯粉，全部都吸收晒壽喜燒既湯汁，甜甜地幾好味！藍莓活乳酸沙冰芝士奶蓋分享社交平台就半價$29，份量仲有成500ml，我地叫一杯開心share，奶蓋超厚、超濃郁，面頭仲有啲爆珠增加口感。