101手工涮涮鍋 (金朝陽中心二期 - Midtown)

营业中

休息中

今日放工老公話想食放題火鍋，但佢最怕坐得唔舒服，聽聞101係銅鑼灣新朝陽開咗，呢度座位好舒適，景好靚，岩哂老公心水。我地叫咗三杯雞卜卜蜆湯底，甜甜辣辣的味道好得意，黑松露豬肉餃好不錯，魚皮雖然有少少硬但浸咗湯都ok。牛肉雖然無得任食，但大大碟兩個人好夠食，肉質唔靱，好嫩滑。任食既選擇好多，有我最鐘意既芝士獅子狗，有大大粒貢丸，豬肉丸都好香滑，手工釀兩色冬菇亦好出色，好快已經食到好飽，加幾十蚊仲有鮑魚、蠔、蝦、刀貝蜆等等，想食乜都有，仲有靚景，真係抵！