三分熟.菊志

三分熟.菊志鐵板晚市一人前⭐️先付⭐️菊志の茶碗蒸⭐️幸の海洋二品⭐️鐵板香煎鵝肝⭐️南非鲍鱼⭐️和牛薄燒⭐️日本豚肉薄燒⭐️京の野菜⭐️菊志炒飯⭐️湯品⭐️甜品性價比幾高嘅鐵板燒餐廳，五百幾蚊夜晚係港島有得食11道菜鐵板燒真係冇咩要求。食鐵板燒之前會有一份蔬菜沙律同埋蟹肉茶碗蒸。蔬菜好新鮮，配上少少酸嘅醋汁，整體感覺幾開胃。蟹肉茶碗蒸就好鮮甜，而且蟹肉份量都唔少。鐵板燒扇貝配咗兩款綠色醬汁，餐廳建議將扇貝一分為二，咁就可以同時食到兩種唔同嘅味道。南非鮑魚大隻厚身，配上海苔汁食，調味唔會太濃，而且又食到海鮮本身嘅味道。肉類我同朋友揀咗和牛薄燒同豚肉薄燒share嚟食，我覺得和牛薄燒比較好食，油脂香配上蔥蒜好有滿足感。豚肉薄燒始終係豬肉，食落會偏鞋身少少，個人就冇咁鍾意啦。