蒙麵

营业中

休息中

今日返工出開紅磡家維邨個邊見客，見完客差唔多一點啦，見有啲肚餓醒起之前睇報紙見到係差館里嗰度有一間車仔麵叫蒙麵，就諗住去試試啦；去到門口見到已經有四五個人等緊，咁我一個人就唔使排隊入去搭台啦。入到去一坐低，間鋪頭唔係好大，裝修就冇乜㗎啦，但牆上都貼咗好多報道介紹佢哋餐廳，果然有啲名氣；咁就事不宜遲落單試試佢啦，今次我就叫咗黑椒牛筋丸、脆香多春魚、蘿蔔、幼麵跟牛腩汁；落左單之後唔夠5分鐘，個麵就已經嚟咗面前啊，十分有效率；牛丸都幾彈牙多汁，麵方面我就覺得啱啱好，牛腩汁都好入味，唯獨個多春魚我覺得炸得太耐有點乾；加埋杯凍檸茶埋單都係$45 ，經濟實惠，下次離開呢頭都可以在encore，下次黎再試下佢出名既叉燒！