東記上海麵

营业中

休息中

大埔美食有好多，但如果懶又唔想周圍搵，大埔熟食中心都係一個不錯嘅選擇！前提要你接受到街市環境一定無咁好！而且知道午飯時間一定好多人，所以選擇晏少少2pm食，果然人係少啲！餐牌一目了然，唔會怕心大心細！知道好多人推介竹筍，但個人嚟講真係好怕呢間竹筍嘅味，所以每次食都一定揀炸豬扒炸雞翼！因為只需$42！炸豬扒大大塊，雖然有少少肥同肉身有少少乾，但勝在即炸同脆漿好味！夠香口！相比之下炸雞翼就出色啲！因為佢無豬扒嘅乾，雖然只有2隻，但醃得幾好味，而且脆漿又唔會過多，所以下次可能會只選炸雞翼兼試吓菜肉雲吞！選擇跟米線，因為嫌上海麵太粗！佢嘅米線相對唔會太硬，易入口！(滿分為🤤x5)好味指數: 🤤🤤🤤抵食指數: 🤤🤤🤤🤤回頭指數: 🤤🤤🤤🤤