水門雞飯 (萬勤商業大廈)

营业中

休息中

餐廳環境裝修真係好有泰國地道風味，不過就係有冷氣版嘅水門雞飯店🤣 我哋叫咗水門半隻雞 $108佢包一碗湯，另外我哋再加多兩碗油飯 $10@1雞肉白滑，仲食到嗰層啫喱狀嘅骨膠原，點埋個醬汁簡直一流。冇諗過佢會送埋啲內臟俾我哋，我都係第一次食雞血，感覺幾新奇其實同食豬紅冇差唔多。 有飯都非常香口食完一啖有一啖停唔到落嚟。 其實佢有lunch set,係水門海南雞飯加湯同埋包一杯嘢飲 $62。 但係因為其實我唔多鍾意飲嘢，所以寧願食多幾舊雞肉補補蛋白質。 價錢都差唔多，不過雞嘅份量比起叫兩個餐大概多1.3倍左右。係尖沙嘴地段呢間餐廳都提供到相當滿足嘅晏晝。