影片
更多
2023-07-04
2322 浏览
難得放假瞓到過哂lunch hour，食得太多西餐又想食番啲中式野，心血來潮想去一盅兩件，咁岩出開旺角就去左呢間點心到同朋友飲個下午茶。比起傳統連鎖酒樓，我地都好鍾意呢間餐廳嘅環境，感覺上比較乾淨啲亦都冇一般酒樓咁嘈吵，當日都見到唔少年輕一輩既座上客。另外食物份量又相對上細份啲，岩哂一兩個朋友一齊飲茶又可以試多啲唔同點心，而且餐廳多數都係細枱，兩條友去飲茶就唔怕要同陌生人搭枱咁尷尬啦。🤭炭燒山楂鴨絲包 （$30）特登試吓呢個餐廳獨家製作嘅點心，外表睇上去面頭個層好似菠蘿包鬆脆嘅黑色脆脆，食落口感好似叉燒包，山楂同鴨絲調味得好好，唔講真係以為食緊叉燒包。🥹金沙脆皮銀蘿腸（$29）又係另一款餐廳獨有嘅點心，外面係軟滑嘅腸粉，裏面就係鬆脆香口嘅蘿蔔酥，咬落外軟內脆，呢種mix and match好有新鮮感，味道都唔錯👍🏽黑金流沙包 （$26）唔使多介紹，一睇就知呢個流沙包有幾出息，我地放左廿分鐘再食，佢都仲係流心架😍晶瑩鮮蝦餃+原隻蝦燒賣 （$17@）呢兩款點心嘅蝦肉都好彈牙，味道都好新鮮，最特別嘅地方係可以選擇要兩件定係四件，啱晒我哋咩都想食下但係又食唔到太多嘅小鳥胃，下次一個人嚟食都唔怕
炭燒山楂鴨絲包 （$30）
特登試吓呢個餐廳獨家製作嘅點心，外表睇上去面頭個層好似菠蘿包鬆脆嘅黑色脆脆，食落口感好似叉燒包，山楂同鴨絲調味得好好，唔講真係以為食緊叉燒包。🥹
金沙脆皮銀蘿腸（$29）
又係另一款餐廳獨有嘅點心，外面係軟滑嘅腸粉，裏面就係鬆脆香口嘅蘿蔔酥，咬落外軟內脆，呢種mix and match好有新鮮感，味道都唔錯👍🏽
黑金流沙包 （$26）
唔使多介紹，一睇就知呢個流沙包有幾出息，我地放左廿分鐘再食，佢都仲係流心架😍
晶瑩鮮蝦餃+原隻蝦燒賣 （$17@）
呢兩款點心嘅蝦肉都好彈牙，味道都好新鮮，最特別嘅地方係可以選擇要兩件定係四件，啱晒我哋咩都想食下但係又食唔到太多嘅小鳥胃，下次一個人嚟食都唔怕食唔晒。😋
榴槤雪媚娘 （$35）
少有出現係茶樓嘅甜品，班戟皮非常薄，裏面嘅cream都唔厚身唔太甜，中間作為精粹既榴槤肉都幾大嚿，榴槤味道十足，好香甜但唔會膩。😛
凍奶茶凍檸茶 （$18@）
一入去見到5蚊一位嘅茶錢都覺得好出奇，而且冇得揀茶種，原來呢度有別於傳統茶樓，就係佢有一個水吧，可以沖不同嘅茶餐廳飲品，更有啤酒tap可以order5種唔同嘅生啤，我地就叫左一杯奶茶同一杯檸茶，雖然味道就係傳統茶餐廳味，但係同點心呢配搭真係前所未有，幾特別有趣。☺️
▫️◾️▫️◾️▫️◾️▫️◾️▫️◾️▫️◾️▫️◾️▫️
📍 點心到 MIX·大排檔 (旺角)
旺角洗衣街39-55號金雞廣場地下1A,1B,1C號舖
#moooveat旺角
#moooveat中環
#點心到MIX大排檔
#旺角美食
#hkfood
#hkfoodie
#hkfoodblog
#hkeat
#foodie
#hkrestaurant
#eat
#food
#hkdrink
#toast
#ig互追
#香港
#美食
#香港美食
#香港攻略
#香港旅遊攻略
#香港美食攻略
#香港探店
#美食探店
#美食日常
张贴
