越男仔

营业中

休息中

襯著假日外出走走，走到來沙田圍一東南亞餐廳「越男仔」，真係有一段時間無食越南嘢食。走入餐廳，餐廳有著越南元素嘅擺設：竹笠、吊燈等，真的甚有當地風味。難得來到，真係每一樣都想食！椰香漏漏啡越南咖啡已經夠哂睇頭，睇住佢一下一下咁滴漏，而現在仲可以加上一杯香滑椰汁，加入後輕輕攪拌，底層煉奶跟咖啡、椰汁混合，即成一杯濃醇香滑的椰香咖啡，甜度適中，啡味突出。串燒沙嗲拼盤沙嗲串燒一客已有齊雞肉、牛肉、豬肉串，每一串都燒得焦香撲鼻，再添上香濃沙嗲醬，就更添惹味。越男仔火車頭湯河粉來到當然必點火車頭湯河粉，因一次過就有齊多款配料：牛丸、牛筋、牛腩、牛柏葉等…再配上餐廳準備好的調味架，略加醬料，更是錦上添花。河粉份量超多，而牛骨湯濃香不膩，啖啖嫩滑，真是值得一食再食之選。