牛極 (樂聲大廈)

营业中

休息中

去完維園打波，往銅鑼灣方向行就見到呢間牛極，位置都易搵，但平時好少行呢個位，所以就食左個牛柳餐。佢有部機自助落單，非常簡單，叫左個牛柳200g,搵好位，就自己出去拎湯、沙律、飯同調味。個湯係番茄湯，味道有d似番茄薯仔湯，入面都有好多湯渣食，大大塊肉。而飯係珍珠米，仲有飯素可以落，超好配飯食，而沙律就可以自己選擇落唔洗醬，成件事健康左。最後，當然要講個牛柳，200g份量都夠，但因為味道好好，相信食多100g都無問題，塊石板好熱，所以可以自己衡量幾成熟，肉質好軟，都重肉味，本身都調左味，所以無點汁食都得！