越男仔

营业中

休息中

越南仔我就食過旺角分台，一向都係性價比好高嘅選擇。今次去到沙田想食越南野，都第一時間唸起越南仔。越南仔火車頭湯河粉第一啖梗係飲個湯先，湯底鮮甜有牛肉味。火車頭有5款牛肉，分別係生牛肉、牛根、牛丸、牛柏葉同埋烤牛肉。首先要襯湯底仲係熱嘅時間浸熟生牛肉，牛根煮到好淋，牛柏葉好爽口，牛丸彈牙，好值得推介。胡志明市紅蕃茄四寶湯檬粉紅色嘅紅蕃茄湯底飲落相當濃郁又帶少少酸酸甜甜。四寶係指豬扒、豬頸肉、脆豬肉同埋扎肉。豬扒預先煎過，食落特別香。豬頸肉就比較爽口味濃，檬粉就吸收晒蕃茄汁嘅酸甜，好惹味。