影片
更多
2023-11-16
297 浏览
今日同同事食飯，同事推介咗呢間邊爐比我地，好鍾意食辣嘅我當然十分有興趣啦！對上一次食重慶或川式邊爐已經係4-5年前食劉一手，味道已經好蒙糊，淨係記得同朋友食到流曬鼻水。今次一班同事食，我地叫咗一人一鍋，另外再單點其他。調味料每張枱都有，不過得幾款，都係一啲基本野，例如蔥花、蒜蓉、豉油等等，對於平時打邊都唔「混醬」嘅我係非常適合。另外枱面亦有一個油碟調配教學，係重慶邊爐最常用嘅醬汁，如果佢有埋乾碟就好喇！店員會好細心咁走過來問加唔加湯，而每樣單點食品都會有個牌仔寫住煮幾耐，隔離有一個計時器，咁唔怕太生或太熟。------------- ⇣ 食後感想 ⇣ -------------🍯 雪耳紅棗糖水｜免費贈送一坐低，店員就會每人上一碗糖水，雪耳份量好多，啖啖都有。紅棗亦都好甜，感覺好滋潤養生。🍲 午市一人火鍋套餐｜$98套餐會配蔬菜盤、幾款丸及海鮮，另外有四樣嘢需要自己選擇湯底有4款：麻辣、菇菌、皮蛋芫荽及蕃茄肉類有4款：嫩牛肉、羊肉卷、黑豚腩肉及prime 牛小排（需另加錢）主食有4款：烏冬、出前一丁、闊薯粉及魚麪飲品：基本罐裝飲品，另可加錢配特飲① 🌶️ 重慶麻辣湯個人覺得可以辣啲，或可以
今次一班同事食，我地叫咗一人一鍋，另外再單點其他。調味料每張枱都有，不過得幾款，都係一啲基本野，例如蔥花、蒜蓉、豉油等等，對於平時打邊都唔「混醬」嘅我係非常適合。另外枱面亦有一個油碟調配教學，係重慶邊爐最常用嘅醬汁，如果佢有埋乾碟就好喇！
店員會好細心咁走過來問加唔加湯，而每樣單點食品都會有個牌仔寫住煮幾耐，隔離有一個計時器，咁唔怕太生或太熟。
------------- ⇣ 食後感想 ⇣ -------------
🍯 雪耳紅棗糖水｜免費贈送
一坐低，店員就會每人上一碗糖水，雪耳份量好多，啖啖都有。紅棗亦都好甜，感覺好滋潤養生。
🍲 午市一人火鍋套餐｜$98
套餐會配蔬菜盤、幾款丸及海鮮，另外有四樣嘢需要自己選擇
湯底有4款：麻辣、菇菌、皮蛋芫荽及蕃茄
肉類有4款：嫩牛肉、羊肉卷、黑豚腩肉及prime 牛小排（需另加錢）
主食有4款：烏冬、出前一丁、闊薯粉及魚麪
飲品：基本罐裝飲品，另可加錢配特飲
午市一人火鍋套餐
$98
30 浏览
0 赞好
0 留言
① 🌶️ 重慶麻辣湯
個人覺得可以辣啲，或可以比食客選擇辣度，同事平時譚仔食開三小辣都覺得唔太辣，不過會越煮越辣。
② 🍄 山珍菌湯
湯底好足料，有好多秀珍菇同乾菌，略嫌菇味唔夠重。
③ 🥩 嫩牛肉
呢款同事極力推介，食落有入口即溶嘅感覺，唔怕煮得耐。不過覺得佢嫩得滯，有啲煮煮下會散開咗，個人比較喜歡港式滑牛。
④ 🍜 武隆苕粉
苕粉即係薯粉，呢款非常闊身，好快煮熟，食落好煙靭。我放咗落麻辣湯，吸晒啲味好好食。
⑤ 🥬 蔬菜盤
有生菜、娃娃菜、金菇、冬菇同埋豆腐，蔬菜類食材新鮮，份量都充足。但豆腐得一舊，不過好滑好嫩，如果有多啲就好
⑥ 🍥 丸類
有牛丸、芝士丸、蟹柳同午餐肉。全部都係正常水準，並唔係用啲差嘅材料。第一次用午餐肉打邊爐，佢係用咗火腿午餐肉，裏面有啲肉絲，原來咁樣食都幾好味。
⑦ 🦐 海鮮-鮮蝦
蝦有兩隻，同事話見到啲蝦上枱時啲手腳仲郁緊，唔知真唔真。不過食落好鮮甜，肉質彈牙，好容易剝到殼，而且好大隻，覺得係單點蝦嘅質素。
🐚 桂花蚌（一份）｜$168
桂花蚌印象中係第一次食，食落有啲似魷魚嘅感覺，不過就淋新啲，幾好食，住30秒就食得。開頭以為係象拔蚌啲朋友，有興趣可以自己search下
🐚 珊瑚蚌（一份）｜$128
平時酒樓食得多，都係炒西蘭花，未打邊爐食過。原來新鮮嘅係咁好食，食落鮮甜，同埋非常之爽口，煮30秒就OK！
🧠 腦花 （一份）｜$68
有同事極力推薦呢間啲豬腦，之前未食過，所以都試咗一舊仔，食落有啲似豆腐花嘅口感。不過都係接受唔到，所以唔太鍾意。之前都睇過啲人如何處理豬腦，話要一條條血絲掹走，今日見呢個都清理得好乾淨，食開嘅人應該會鍾意。
豬腦花（一份）
$68
8 浏览
0 赞好
0 留言
🫁 大刀豬腰片（一份）｜$98
今日真係一個新嘗試day，第一次食豬腰，本來以為會好似豬膶嘅口感，點知食落係爽脆。不過自己唔鍾意，有少少腥羶味。
大刀豬腰片 （一份）
$98
15 浏览
0 赞好
0 留言
🦆 鮮鵝腸（一份）｜$128
鵝腸覺得冇乜特別，平時亦都少食，不過係比平時食過嘅冰鮮鵝腸好食一啲，更加爽口。
🐮 稻田毛肚（一份）｜$148
呢一個煮10秒就可以，開頭驚唔熟煮耐咗啲啲，然後就非常之韌。煮10秒就啱啱好，十分爽脆。
------------------------------
/大家鍾意見嘅話請follow、like & comment，你地嘅支持係我更大嘅動力！/
📍 方叔叔重慶老火鍋 (沙田)
沙田沙田正街18號新城市廣場一期7樓709號舖
食評只反映餐廳當日及該分店情況！
打卡值 📸 ▪ 💛💛💛💛🖤
好味值 👅 ▪ 💛💛💛🖤🖤
抵食值 💲 ▪ 💛💛💛🖤🖤
回頭值 🤝 ▪ 💛💛💛🖤🖤
张贴
