鴻發牛什魚蛋專家

营业中

休息中

牛腩麵$26，下午茶來食個麵，的確十分抵食，因為牛腩份量很多，而且仲附送脆魚皮。牛腩有10件左右，比其他的麵檔多一倍以上，牛味重又香，肉質鬆化易咬，湯頭清而不膩，幼麵彈牙爽口，不會有太重鹼水味。朋友點魚蛋粗麵，同樣價錢，白魚蛋十分彈牙，魚味突出，而且睇得出加了胡椒粉去整魚蛋，所以不會腥，同樣送脆魚皮，多份脆口感，真係抵心夾大件。粉麵有套餐，可揀飲品或菜，可以點了腐乳通菜一齊食，腐乳味道就不太好，跟平常食的有點不同，幸好通菜新鮮爽口，淨食通菜就好。其實係街市食檔，而家環境已經好好，又乾淨左又有冷氣，價錢吸引又份量多。