鴻發牛什魚蛋專家

星期日中午時間黎到大埔熟食中心，成層都好多人，今次揀左都幾出名既鴻發粉麵。行埋到店前面，姐姐就會好熱情招呼帶位喇，雖然真係好多人，但點都會攝到位出黎😎魚蛋河加色趁塊魚皮未淋相機食完就即刻食喇，仲好脆卜卜魚蛋都好彈牙同有魚鮮味，魚片就正常味道，都彈牙既仲有嗌左牛腩河，牛腩既部位都唔錯既，都幾有牛味，份量都唔少假日想放肆嗌多左份奶油豬🤭焗到岩岩好，好脆口，加埋練奶同牛油，好好食，差d想encore多一份！…查看更多

性價比高的特色粉麵餐廳在大埔墟熟食中心內，有這間牛雜、雲吞麵店今天和老人家一齊去食，特別叫店主安排一些比較容易咬的牛筋麵給老人家，他們特別細心地去安排👍🏻👍🏻另外他們推介的魚蛋好好味，好有魚味同時試了他們的牛筋撈麵，撈麵份量真的兩個生麵，份量十足我們點套餐，加$13就可以加一個菜，菜的份量10分大碗，10分超值重點係性價比好高，這個價錢在市區冇可能去大埔墟熟食中心的可以試一試這間特色粉麵店…查看更多

平日中午時段來到大埔墟熟食中心，本來想試東記上海麵，可惜冇開隨便選了一間就岀事……去得熟食中心都唔預有幾乾淨，但坐低一拎對筷子，就見到有一大舊白色物體纏住個筷子頭，已反胃冇食欲……碗牛腩魚蛋河……望落有加腩汁，但入口淡而無味……牛腩係大大舊 但入口真係唔香又唔好味…..食兩啖已唔想食…..:(過程中 個短頭髮啊姨不斷冤婦式鬧人…..「食飯時間係要等嫁啦 唔等得就唔好嗌啦」 「你等外賣就唔好企係度阻住人啦」……我食左15分鐘 佢就鬧人鬧足15分鐘……真係不可一 不可再…查看更多

本身想食錦華粥店嘅豬什，咁啱冇開，行吓行吓算啦就食呢間牛雜 轉做牛嘅內臟啦哈價錢唔貴牛雜都係$38一碗！阿媽嗌雲吞河粉就普普通通但係有六粒，冇大地魚粉味，雲吞不是太香，不是太大粒我呢碗就正啦！四大片金錢肚，兩至三小塊細細嘅牛肺 同埋一個薄薄牛勝再加兩舊瘦小腸 鍾意食肥腸嘅就唔滿意，但係我就咁啱唔食大腸嘅啱啱好！而且清湯唔錯而且阿姐服務態度超級好！就算超亡超忙都好好態度，仲會迎合我嘅需要俾一碗蔥我淨係服務已經滿分啲面唔算出色，但合格以後多個選擇啦…查看更多

每次到大埔墟街市，總會被東記吸走，其實街市不乏好店。今日同老婆食早餐，碰巧東記休息，好快揀咗鴻發，之前食過兩次都相當對版，不過都已經係一年前。例牌一牛腩一牛雜走肚，熱飲+$3，叫了兩杯奶茶。人客有點多，但都不用等太耐，湯有點淡，牛雜做得好好，牛肺唔會太腍散修修，牛蒡亦都冇酸味，牛腸呢？點解只係得粉腸冇肥腸……有啲失望！牛腩呢？估唔到又幾好味喎！軟硬適中而且食得出牛腩本身嘅味道，之前嚟都係食魚蛋粉，所以有點喜出望外！呢個價錢食呢餐，唔止好食，直頭係抵食！又係嗰句，其實唔使叫人留港消費，只要你做嘅食物有品質，人客自然會來消費。是日消費：牛腩河+熱飲$41 牛雜河走肚+熱飲$41共$82…查看更多

好味指數😋😋😋回頭指數 ⭐️⭐️⭐️開心指數🤗🤗🤗又係要去大埔，之前食過大埔名物上海麵覺得一般，今次周圍行吓，見到呢間食牛什粉麵，就試吓。🍴招牌牛雜河粉（$38）呢碗上面有兩塊炸魚皮，一上檯就要即刻食，唔係就會浸腍㗎，魚皮都幾香脆唔會硬，味道適中唔會太咸，呢個幾好味！牛雜份量都算多，食落都 okay，亦都冇食到異味，佢嘅辣椒油味道唔錯，都幾香，鍾意食辣嘅朋友記得要試。河粉嘅份量多，好夠飽。🍴潮式牛根河粉（$38）呢碗上面得一塊魚皮，相比起牛雜嘅大堆頭，會顯得比較零散，牛根煮得夠腍，但唔算太入味，呢個一般。🍴牛雜魚蛋雙併河粉（$48）雙併要用貴嘅粉麵價錢加$10，雙併魚蛋有3粒，魚皮有2塊，魚蛋都幾彈牙，魚味未算太濃郁，不過以呢個價錢都算okay。🍴凍奶茶（+$7）呢個奶茶都唔錯，夠茶味唔會嚡。整體上食物質素正常，未至於太驚喜，河粉份量多，至少可以食得飽。嚟到熟食中心食嘢都唔會係要食環境或者食服務，當日食嘢遇到嘅姐姐有主動幫我搵位，唔使等位已經好好，檯面正常地唔會太乾淨，都要預咗係咁樣～…查看更多

朋友介紹，下雨時中午來熟食中心非常多人，店員建議我去最盡頭坐，因為入面大把位。我要了金牌崩沙腩，麵底雲吞麵，另加錢轉凍檸茶；茶底有少少澀，並接？表面至五杯嘢不太多，有三撇檸檬。很滿，俾咗支雪條運用來吉檸檬…查看更多

去完慈山寺開放日，返回大埔墟找吃的，朋友帶我去大埔墟街市樓上的熟食中心食牛腩粉，她說每次入大埔必到此店吃牛腩粉。講得這麼好吃就跟她去嚐一嚐。上到熟食中心見到許多食店，人也多，我們轉了一圈找到要吃的店，店家幫忙找坐的位置，選了一張圓檯給我們。我們叫了碗牛腩粉，見隔離檯食西多士，忍不住又要一份，口乾叫了杯。這家牛腩粉是用牛坑腩，與我平時麵店吃的那種不一樣，每片牛腩肉都有濃郁的牛味，口感十分嫩滑，完全沒有筋需要咀嚼，很易吃，肥肉與瘦肉分佈均衡，湯的味道不過濃，河粉帶點煙韌又夠滑，果然好吃。西多士像磚頭一樣的厚度，切開四件，每件都炸得金黃，蛋香滿滿，沾上牛油和練奶，入口香甜美味。咸檸七，夠冰凍，爽，不過檸檬有點過咸。…查看更多

同鄰居準備買嘢燒烤，大家都未食嘢就話不如去街市食。本來食我平時食開嗰間茶餐廳，但係鄰居話有間粉麵好好食，咁就不妨試吓。點知黎到嘅時候，係上次我自己嚟食嗰間。跟住我話有啲伏喎，但係佢哋堅持話呢間好好食，又夠大碗，尤其是啲魚皮特別好食。咁我就俾多次機會佢啦⋯⋯今次有三個人，所以嗌咗一包魚皮，係幾好食嘅上次跟麵都有送一塊，我都覺得係有驚喜嘅。上次食腸腩河，今次食牛三寶，但係本身自己唔算好好牛肚，但係又想食牛筋咁就索性嗌呢個。今次個湯底好似好咗喎，雖然上次都係食腸腩河，基本上都係腩汁底，但係今次個感覺完全唔同。啲牛筋都好腍滑，究竟係佢啲嘢改善咗定係我上次唔好彩呢？…查看更多

第一次嚟大埔熟食中心，1點半，全場座無虛席。見有張空枱就坐底，同朋友各自買咗啲嘢食。食到一半有個孭腰包嘅中年男負責人行埋嚟，見我地唔係食緊佢啲嘢，問我朋友碗麵喺邊買，幾多錢。然後話佢地都有賣，話我朋友唔識食 囧隔咗冇幾耐又行埋嚟話張枱係佢買，俾說話我地聽，叫我地嗌杯嘢飲。我地話唔洗，食埋少少好快就走。佢又行埋嚟問我隔離位同我地係咪一齊，我地話係。(隔離嘅朋友有買佢地啲嘢食)轉個頭又埋嚟問係咪真係識嫁，唔識我就請佢地走，我地唔驚冇生意做 囧哇我真係未見過咁冇禮貌嘅人 囧 成個黑社會陀地咁，係咁威脅我地，俾說話我地聽。連埋佢啲伙記姐姐，嚟講咗六、七次，話佢老細好不爽，叫我地不如買杯嘢飲。講到我地成枱人都怕咗佢，連再隔離啲佢地嘅其他客人都為我地抱不平，話佢三番四次過嚟好擾民。係，我見佢帶緊位，有4個客，咁就算我地2個走咗都唔夠位坐。望一望周圍，都仲有張2人位空。作為遊客第一次嚟點會知熟食中心有分區域坐，個地方咁大，坐位又咁密，點知邊張枱屬於邊間舖。我建議 貴店咁驚嘅話，應該喺每張枱貼番張 貴店舖名嘅貼紙，避免我地啲無知遊客白撞。如果朋友冇幫襯佢地，我諗我地真係會俾佢請離開，拎住啲碗碟唔知去邊。最後講番啲食物，食咗朋友件西多，正常好食。朋友話碗牛肉麵都好食。不過服務差到咁，就算啲嘢幾好食我都唔會再去。更何況呢個正常發揮嘅水準我相信其他舖都食到。…查看更多

突然間買餸之前好想食河粉。之前經過已經嘗試去嘅魚蛋粉，但係始終坐低嘅時候都係叫咗腸腩河。落單姐姐好好問我要粉腸定係大腸，我話有啲咩分別。佢就話粉腸瘦啲，大腸肥啲。如果唔講明嘅話佢就會當牛雜咁樣，收嘅價錢會相對貴啲。本分未到嘅時候滿滿的，份量都好多，上面又有免皮。慣性第一口試左湯頭，係冇味㗎，相當失望。不過面底同埋餸嘅份量相對嚟講係超值嘅。如果個湯底佢會龍返少少嘅話咁性價比就相當高啦，既然唔夠味就試埋佢個辣椒油啦，又再一次浪費咗個quota。下次會再試吓佢款魚蛋粉，睇吓會唔會有不一樣嘅感覺。題外話，凍檸茶啲檸檬片數好多，但係完全冇味。…查看更多

超大雲吞麵拼魚蛋，雲吞的內餡豐富，包括蝦肉、豬肉和香料，這些材料相互融合，營造出美味的口感。而且，配送少量魚皮， 10分不錯。然而，我對麵條的處理有些不滿意。它們的鹼水味道太濃，這種鹼水味在整個湯底中佔據主導地位，稍微掩蓋了其他食材的風味。我希望麵條的處理能更加平衡，讓湯底的口感更加協調。牛肚墨魚丸可：牛肚的質地柔軟，墨魚丸尚算可以。這碗牛肚墨魚丸可給我留下了深刻的印象，它是整體菜品中最出色的部分。…查看更多

今午來鴻發，唔叫牛腩麵。叫午餐：胡椒豬肚雞湯飯+凍奶茶。($48, 冷熱飲品同價)份量不少，但胡椒味很輕，我喜歡香和濃既胡椒味。凍奶茶，都是一般茶記水準。好一餐，唔好又一餐。…查看更多

星期六去完慈山寺，返到大埔墟已經係五點，由於朝早只係食咗早餐，所以已經10分肚餓，於是上大埔墟熟食中心睇下有乜食。呢段時間唔三唔四，晚飯又未到，下午茶又完，好多餐廳一係準備晚飯市，一係就收檔，只見這茶檔坐滿大半，上前一看，仍有下午茶餐（至5點半），便坐下！太后點了一客雪菜肉絲炆米$40，包冷熱飲品，而我就單點了一份西多士$21。過了10分鐘，炆米送上，熱辣辣！應該是即炒的！肉絲唔算多，但味道都不錯！油份唔算多！有8/10分！等了15分鐘，西多亦送到，可是，有一大條毛or頭髮痴左係件西多上，好嘔心！於是，我同丫叔講，丫叔即刻話叫過另一樣野，因為我想食西多，所以就叫佢整過第二份。其實都知道佢吾會整嗰份，可能拎走咗條毛，再炸多次！不過太后話炸多次都好既，殺下啲菌😅😅😅再過多10分鐘，西多再送上（唔知係咪同一份🤣)喱到既西多用左煉奶，而唔係用糖漿，少咗份傳統！入邊夾左花生醬！十分邪惡！我估一份有700卡😈😈 7/10分凍檸茶就正正常常，冇乜特別！整體嚟講，食物唔算特別，以大排檔黎講，價錢吾算平，一般貨仔，有選擇都唔會再揀😅😅…查看更多

☘️一直想嚟大埔試呢個牛腩，因為好幾個朋友都話佢好好食，所以呢日咁啱入到去大埔，就特登走上去大埔墟街市探店，我哋因為時間比較晏，成七點幾先入到去，仲怕佢已經休息添，好彩佢仲有開。☘️眼見好多只做日間嘅檔都關咗，剩返嘅都係做晚飯小炒嘅，只有鴻發牛什仲開住，不過都已經只有一兩枱，眼見大部份都係買外賣多！我哋錯有錯著，大把位任坐唔駛同人迫😜☘️我叫咗牛腩牛肚雙併米，朋友叫牛腩墨丸雙併河，加個油菜同炸魚皮！嘩，碗米粉嘅份量都唔少，牛腩個樣好靚，味道當然係好入味，但唔會太淋，好有咬勁😋 牛肚都好好味！ 個魚皮係成大包上，大大塊好香脆唔會好油。 我哋食唔哂就成包拎走，好方便😜☘️價錢當然係好實惠，下次再嚟大埔一於再嚟食過😜…查看更多