影片
更多
2024-09-08
267 浏览
2024年8月28日 星期三暑假差不多完結，又係時候準備工作，今晚難得同老婆兩個人放工之後去到旺角食飯，係網上面選擇左呢間串燒餐廳，去到發現人氣同客人都好多，幸好仍然有一張枱唔洗等位餐牌上面有好多食物可以選擇，連海鮮都有好多款，價錢都唔算太貴，最平十幾蚊就有一串串燒，所以我哋每樣都要咗少少等咗一陣食物就開始陸續送上，首先有蒜蓉北海道扇貝，咁啱做緊優惠$98有兩隻，扇貝睇落都幾大，咬落去完全唔硬，燒得啱啱好，上面仲加上蒜蓉同三文魚籽，口感更加豐富跟住有芝士雞肉墨西哥薄餅，個薄餅裏面充滿餡料，除咗有雞肉芝士之外，仲有黃椒紅椒，而且芝士仲可以拉絲添，味道有少少辣，外皮脆脆地，食一塊都已經幾飽之後有各款唔同嘅串燒，最左手邊有厚燒玉子同燒日本甜心番薯，兩款咬落去都甜甜地，燒玉子充滿蛋香，仲可以食到一層層嘅蛋皮呢一個係煙肉蘆筍卷，用煙肉包住蘆筍一齊燒，食落去比起齋食煙肉冇咁油膩，蘆筍咬落好脆身，又多水份再嚟有陰功豬，其實係豬肉上面沾上左冬陰功醬再一齊燒，冇諗過效果都唔錯，味道酸酸辣辣，幾惹味呢個係日本汁燒魷魚筒，份量都唔少，師傅已經將魷魚筒剪開一嚿嚿，方便進食，每一嚿都食到上面嘅醬汁，魷魚筒有咬口
暑假差不多完結，又係時候準備工作，今晚難得同老婆兩個人放工之後去到旺角食飯，係網上面選擇左呢間串燒餐廳，去到發現人氣同客人都好多，幸好仍然有一張枱唔洗等位
餐牌上面有好多食物可以選擇，連海鮮都有好多款，價錢都唔算太貴，最平十幾蚊就有一串串燒，所以我哋每樣都要咗少少
等咗一陣食物就開始陸續送上，首先有蒜蓉北海道扇貝，咁啱做緊優惠$98有兩隻，扇貝睇落都幾大，咬落去完全唔硬，燒得啱啱好，上面仲加上蒜蓉同三文魚籽，口感更加豐富
跟住有芝士雞肉墨西哥薄餅，個薄餅裏面充滿餡料，除咗有雞肉芝士之外，仲有黃椒紅椒，而且芝士仲可以拉絲添，味道有少少辣，外皮脆脆地，食一塊都已經幾飽
之後有各款唔同嘅串燒，最左手邊有厚燒玉子同燒日本甜心番薯，兩款咬落去都甜甜地，燒玉子充滿蛋香，仲可以食到一層層嘅蛋皮
呢一個係煙肉蘆筍卷，用煙肉包住蘆筍一齊燒，食落去比起齋食煙肉冇咁油膩，蘆筍咬落好脆身，又多水份
再嚟有陰功豬，其實係豬肉上面沾上左冬陰功醬再一齊燒，冇諗過效果都唔錯，味道酸酸辣辣，幾惹味
呢個係日本汁燒魷魚筒，份量都唔少，師傅已經將魷魚筒剪開一嚿嚿，方便進食，每一嚿都食到上面嘅醬汁，魷魚筒有咬口但唔韌，仲完全冇軟骨
再嚟有串燒豆腐同燒墨魚丸，豆腐嘅外皮燒得好脆，裏面仍然保持滑嫩，充滿豆香，至於墨魚丸燒完之後仍然保持彈牙，上面嘅調味粉同醬汁加得啱啱好
最後仲有燒翠玉瓜同燒粟米，翠玉瓜好厚身，而且份量都幾多，燒完之後咬落去仲有好多水份，而燒粟米就有牛油嘅香味，同樣地爽甜多汁
最後每人食咗三百幾蚊，飽住個肚咁走！
张贴
