台食館

同同事搵食最緊要快，今日衝咗入呢間台灣店，午市居然唔使點等，五分鐘即刻有枱！二話不說叫碗招牌三寶牛肉麵，同事就揀咗番茄牛肉麵，兩碗上枱熱辣辣，睇見都流口水！
個三寶牛肉麵真心唔錯，牛丸咬落好彈牙，一咬爆汁；牛肉大大條，炆得夠淋，完全唔使點咬，唔黐。牛肚吸飽滷汁，入味得嚟又唔會韌到似橡筋。個湯底先係精髓，好濃郁，飲得出係落足料熬。真材實料！
試咗同事個番茄牛肉麵，番茄味好出，酸甜適中，牛肉同樣炆得軟淋，兩種湯底都各有特色。最後我同同事都不不約而同飲晒成碗湯，真係幾好味。
七十幾蚊碗，分量足夠，食完成個下晝都夠飽。味道正宗，唔會太花巧，係一餐實在嘅午飯。以後lunch又多個選擇，值得再來。