台食館

今日踩入荃灣新開半年嘅「台食館」，裝修ok，冷氣夠勁唔會食到身水身汗！試咗招牌滷水豆腐便當，滷肉肥瘦黃金比例，珍珠米吸盡琥珀色滷汁，每啖都係骨膠原暴擊，膠原蛋白多到食完成個嘴黐笠笠，正宗到以為自己去咗士林夜市！豆腐嫩到一夾就穿，滷水鹹度調得啱啱好，唔會死鹹搶喉。絕對係白飯殺手。珍珠奶茶先係驚喜位，茶膽唔會濃到似港式茶走，奶香滑到一啖接一啖，珍珠咬落好似食緊QQ糖咁彈牙。街坊溫馨提示：餐廳冷氣長開唔會焗身，怕凍嘅可以揀卡位。唔想食炸野嘅朋友，呢個滷水便當絕對係良心選擇，完勝商場連鎖店！ …查看更多

同同事搵食最緊要快，今日衝咗入呢間台灣店，午市居然唔使點等，五分鐘即刻有枱！二話不說叫碗招牌三寶牛肉麵，同事就揀咗番茄牛肉麵，兩碗上枱熱辣辣，睇見都流口水！個三寶牛肉麵真心唔錯，牛丸咬落好彈牙，一咬爆汁；牛肉大大條，炆得夠淋，完全唔使點咬，唔黐。牛肚吸飽滷汁，入味得嚟又唔會韌到似橡筋。個湯底先係精髓，好濃郁，飲得出係落足料熬。真材實料！試咗同事個番茄牛肉麵，番茄味好出，酸甜適中，牛肉同樣炆得軟淋，兩種湯底都各有特色。最後我同同事都不不約而同飲晒成碗湯，真係幾好味。七十幾蚊碗，分量足夠，食完成個下晝都夠飽。味道正宗，唔會太花巧，係一餐實在嘅午飯。以後lunch又多個選擇，值得再來。…查看更多

昨日路過銅鑼灣呢間新開台灣餐廳，忍唔住入去試水溫！點咗個炸豬排滷肉便當，一上枱就聞到香噴噴。塊豬排炸到金黃色，咬落「咔嚓」聲，外皮脆得嚟唔油膩，肉質juicy唔乾身，正過唔少日式吉列店！最驚喜係佢哋用咗台灣珍珠米，飯粒飽滿煙韌，吸盡肉汁，齋食飯都已經好滿足。跟餐嘅配菜ok，豆干都好地道。天氣咁熱，緊係要叫杯芒果沙冰降下溫啦！芒果大大粒，香甜冰涼，飲完成個人爽晒。同個便當絕配。總括來說，呢間絕對係有誠意嘅台灣店，豬排控同芒果迷必試！已經mark低咗，下次要帶班friend再encore～…查看更多

這店的台式下午茶非常抵食，價錢公道，味道也不錯；怪不得這店不乏捧塲客。台式下午茶精選三重奏非常豐富，既有一款主食和飲品外，還可選擇三款小食。喜歡的話，食客亦可加錢選自己喜愛的食物或飲品。～小碗滷肉拌麵+鹽酥雞、酥彈花枝丸、墾丁蝦卷+鮮檸紅玉 （$45）作為下午茶，拌麵份量剛好。麵質彈牙，滷肉惹味；再伴上清新青瓜🥒𢇁和脆口花生，質感和味道也很好。鹽酥雞外脆內嫩，惹味可口；花枝丸彈牙爽口；蝦卷有咬口。餐後一杯熱檸檬茶為這頓下午茶劃上句號。～招牌紅燒牛肉麵+鮮檸檬水 （$58）紅燒牛肉淋滑，份量也不少，藥材味濃。粗麵掛上濃湯，味道濃郁。配料中的酸菜、紅蘿蔔🥕和小棠菜也不能放過，味道也不錯呀！餐後來一杯清新檸檬水清一清口腔，非常滿足。…查看更多

諗住新開去試吓 見到都幾多人食點知冇下次🫠價錢唔係特別平 但豬扒薄到紙咁 食唔到肉味 係粉味 鹽酥雞就還好 至少咬到唔嚡嘅雞肉算係唔太差 雞肉冇味 係面頭灑粉嘅味碟好細 成日驚住跌😮‍💨因為疊晒好難拌肉燥同飯…查看更多

新開店打算黎試下 價錢中等正常啦嗌咗一個 鹽酥雞排滷肉飯 $65多飯份量算大 滷肉味道唔算好濃 雞排炸皮有味道 唔算好柴 不過唔算好香口 反而配菜們 西蘭木耳果啲都不錯！另外嗌咗個起司肉鬆蛋餅 $43份量唔算大 中間幾舊都大啲 不過頭尾得個餅皮就真係太薄 整體唔算好彈牙配餐+$15 百香果雙響炮整體味道ok 但珍珠太硬太韌呢個價錢不過不失啦 整體都可以接受的 有興都可以黎試下嘅…查看更多

真係未食過咁質素差嘅台灣食物。一間台食店，招牌食物通常係滷肉飯，嗰碗飯，完全食唔到幾粒肉，全部係肥膏，重要係得好少，完全唔覺得自己食緊滷肉飯，覺得自己係食緊滷肉汁飯。好後悔幫襯，完全無成意，扣期煮啲嘢比啲客人食完就算。我一定唔會再幫襯，亦都唔會介紹朋友嚟食，如果介紹咗俾朋友食，朋友一定會同我絕交。簡直係當啲客人係傻，所以唔好怪點解香港人放假會北上消費食嘢，除咗平之外，講真人哋起碼唔會煮啲垃圾出嚟比人食。…查看更多