影片
更多
2019-09-26
35 浏览
經過兆萬樓下，有人話3樓新開左一間任食火鍋店，我呢d打邊爐迷當然忍唔住上去試下佢～一坐低就有張湯底紙俾你揀左先，揀左個清清地既芫茜皮蛋咁先可以試到d料正唔正！芫茜皮蛋湯超多芫茜，一上枱已經勁香，食到最尾都仲有芫茜味，正！頂級牛頸脊呢個係送既，再叫就要另收消。一睇就知靚野，油脂均勻，應肥既肥，應瘦既瘦，仲好有牛味，必食！海鮮拼盤呢個都係贈送項目，有魚片，蝦🦐同象拔蚌。魚片夠薄好滑，一淥就食得！蝦就非常彈牙！象拔蚌好鮮甜，真係想encore！蜆淥完無大縮水重好大隻！飲品有兩個大雪櫃，基本上大牌子既汽水都有，最好係有解茶飲，啱哂又驚肥又要打邊爐既我。除左雪櫃之外，仲有兩部機，分別有水果茶同檸檬薏米，好健康！黑毛豬腩片食落好爽，又唔會過肥，食到好濟咁～魷魚爽口彈牙，同埋全部都係鬚，好多時任食都唔俾鬚你，呢間就唔會～菠菜回本之選，菠菜係相對貴既菜而且營養豐富，好似有得揀，呢個真係要點！魚皮餃，黑松露蝦蟹餃，炸蝦條呢間店有個特點，係可以揀要幾多粒，可以方便你試左，啱食先大手掃入。魚皮餃，正常水平。黑松露蝦蟹餃，好重黑松露味，鐘意黑松露既人一定要試炸蝦條，咬落口粒粒蝦肉，幾好味！什菇盤有好多種唔同菇
經過兆萬樓下，有人話3樓新開左一間任食火鍋店，我呢d打邊爐迷當然忍唔住上去試下佢～
一坐低就有張湯底紙俾你揀左先，揀左個清清地既芫茜皮蛋咁先可以試到d料正唔正！
芫茜皮蛋湯
超多芫茜，一上枱已經勁香，食到最尾都仲有芫茜味，正！
頂級牛頸脊
呢個係送既，再叫就要另收消。一睇就知靚野，油脂均勻，應肥既肥，應瘦既瘦，仲好有牛味，必食！
海鮮拼盤
呢個都係贈送項目，有魚片，蝦🦐同象拔蚌。
魚片夠薄好滑，一淥就食得！
蝦就非常彈牙！
象拔蚌好鮮甜，真係想encore！
蜆淥完無大縮水重好大隻！
飲品
有兩個大雪櫃，基本上大牌子既汽水都有，最好係有解茶飲，啱哂又驚肥又要打邊爐既我。除左雪櫃之外，仲有兩部機，分別有水果茶同檸檬薏米，好健康！
黑毛豬腩片
食落好爽，又唔會過肥，食到好濟咁～
魷魚
爽口彈牙，同埋全部都係鬚，好多時任食都唔俾鬚你，呢間就唔會～
菠菜
回本之選，菠菜係相對貴既菜而且營養豐富，好似有得揀，呢個真係要點！
魚皮餃，黑松露蝦蟹餃，炸蝦條
呢間店有個特點，係可以揀要幾多粒，可以方便你試左，啱食先大手掃入。
魚皮餃，正常水平。
黑松露蝦蟹餃，好重黑松露味，鐘意黑松露既人一定要試
炸蝦條，咬落口粒粒蝦肉，幾好味！
什菇盤
有好多種唔同菇，可以一次過試哂，同埋d菇索哂d湯好好味！
牛栢葉，墨汁腸，貢丸
牛栢葉，夠爽口又唔痴牙，encore 左好多碟，另外，兩種食物，簡直好似去台灣咁，好有台灣風味！
牛舌
我真係未見過任食有得點牛舌，d牛舌薄薄地，咬落唔會韌，而且好有牛味，一定要試！
烏冬
有得揀稻庭或者讚岐烏冬，絕對唔係平價貨，如果個肚食落，就要嗌喇！
食完之後，仲有幾粒雪米磁做甜品，真係無得輸！
张贴
