影片
更多
2017-10-24
82 浏览
打邊爐都可以咁高級 坐擁絕美夜景轉入秋季，岩岩轉涼，最好就係打邊爐👏🏻👏🏻今次搞搞新意思，望住銅鑼灣夜景打邊爐，成件事即刻好高級，環境已經100分無得彈唔止有夜景，仲有個露台for客人摸摸酒杯底，chit-chat下，成件事好chill影到唔捨得食野呵呵由於時間既關係，店員已經準備左9種醬料，我地自己混醬，醬料瓶都好乾淨，打邊爐個醬都係好重要，又可以整自己鍾意既口味，正呢個套餐真係抵到爛，有選擇困難症？仲有專人介紹，鍾意辣又得～鍾意清又得～我一直都好想食卜卜蜆，竟然有呢個選擇，超正呀真係之後都係按自己口味選食物，呢part雖然唔係任食，但份量大到都足夠令你捧住個肚滿足咁離開我地一行4人，所以簡左肥牛+黑毛豬，3個101精選（一定要支持手工配料啦！）1個台灣夜市拼盤咁咩都可以試下嘩！嘩！嘩！我宜家好鍾意食蜆，所以一定要叫呢個卜卜蜆，好清同滋補，完全無味精味，真材實料蜆都好多，食落都有海水味，建議快d食，因為煲得耐就走左鮮味～特特特大響鈴起，脆卜卜又唔油，滾兩滾即刻食，嘩～唔止有響鈴，仲有大大脆魚皮，打邊爐必食孖寶，好香脆，食極都唔厭，配埋湯底同醬料，好食到爆絕無誇張，好少見到魚皮咁大舊，
轉入秋季，岩岩轉涼，最好就係打邊爐👏🏻👏🏻
今次搞搞新意思，望住銅鑼灣夜景打邊爐，成件事即刻好高級，環境已經100分無得彈
唔止有夜景，仲有個露台for客人摸摸酒杯底，chit-chat下，成件事好chill影到唔捨得食野呵呵
由於時間既關係，店員已經準備左9種醬料，我地自己混醬，醬料瓶都好乾淨，打邊爐個醬都係好重要，又可以整自己鍾意既口味，正
呢個套餐真係抵到爛，有選擇困難症？仲有專人介紹，鍾意辣又得～鍾意清又得～我一直都好想食卜卜蜆，竟然有呢個選擇，超正呀真係
之後都係按自己口味選食物，呢part雖然唔係任食，但份量大到都足夠令你捧住個肚滿足咁離開
我地一行4人，所以簡左肥牛+黑毛豬，3個101精選（一定要支持手工配料啦！）1個台灣夜市拼盤咁咩都可以試下
嘩！嘩！嘩！我宜家好鍾意食蜆，所以一定要叫呢個卜卜蜆，好清同滋補，完全無味精味，真材實料蜆都好多，食落都有海水味，建議快d食，因為煲得耐就走左鮮味～
特特特大響鈴起，脆卜卜又唔油，滾兩滾即刻食，嘩～唔止有響鈴，仲有大大脆魚皮，打邊爐必食孖寶，好香脆，食極都唔厭，配埋湯底同醬料，好食到爆絕無誇張，好少見到魚皮咁大舊，同埋浸極都好脆口
呢個海鮮簡直無得了，只需要每位加$58就有，都唔限制唔一定要每位加，好似我地4人就叫左2份，照顧到有人對海鮮敏感，值得一讚
呢海鮮超新鮮，鮑魚、蝦、蠔、蜆全部都大大隻好有海水味，超鮮甜呀，個蠔真心好食，好甘香
呢個安格斯肥牛真係同一般打邊爐既完全兩個層次，你睇下d雪花靚到，肥瘦適中，食到停唔到，一口一件，一個字，正！
比起牛肉，我更鍾意食黑毛豬肉片，打邊爐都食到黑毛豬，認真高級食落去好有驚喜，d豬味湧哂出黎，有咬口又唔會好多筋，呢d真係靚野黎，食左牛、豬同海鮮，即刻抵返哂
101精選手工配料，用料新鮮，製作新穎，花左好多心思好presentable，尤其鍾意每粒丸裡需面都加左芝士，一咬落去就爆哂d芝士，另墨魚汁鳥結糖都好有趣，食落好甘，好濃郁既墨魚味，好爽口～
呢個係台式夜市主題，竟然有芋圓、地瓜圓，第一次用黎打邊爐，好過癮，其他都好入味，水準之作
最後，大家一定要飲下個湯底，所有精華煲哂出黎，超鮮甜又滋補望住咁靚夜景打邊爐係正既
最重要唔記得左講！！就係飲品款式多，有大大杯台式飲品同珍珠奶茶，個餐包埋，打邊爐無杯野飲下點得架
张贴
