影片
更多
2019-09-13
55 浏览
同一班相熟食友好飯聚，試吓新餐廳就最好，揀點鍋係因為餐廳係旺角方便大家，而且打邊爐一大窩同老友分甘同味，食得開心。店鋪以白色為主調，感覺樸實整潔，裝潢簡約。大多數卡位, 幾多人黎都無問題。 醬料調味放在一旁，有醬油、醋、生蒜、熟蒜、蔥花及紅椒，任由客人自由組合,選擇多，而且除了汽水樽裝茶, 也有店家自製的涼茶, 清熱下火解吓燥, 誠意可加。打鞭爐鍋底嘅吸引力好重要, 餐廳足有十數款供選擇, 我地揀左兩款, 分別係:蟲草花雞湯 個湯溫而不燥, 蟲草花雞湯淡雅清甜, 蟲草花、龍眼肉、淮山、杞子材料足, 雞件真喺得啱啱好，鮮味肉滑, 未落其他料打邊爐之前都要多飲幾碗。 蕃茄薯仔牛腩鍋 湯底放有鮮蕃茄、薯仔，用咗大量鮮蕃茄熬製的湯底非常鮮甜。煮透後牛腩肉味濃郁。 - 牛肩肉 肥牛跟火鍋真喺走唔甩, 牛肩肉薄切輕灼，口感柔軟嫩滑，帶有少少油脂，夠晒滿足！海鮮拼盤 海鮮拼盤有唔少靚海鮮, 有花甲、龍躉、花蟹仔、鮮蝦等等。 花蟹外殼有光澤，而且頗鮮甜,花甲花甲厚肉鮮甜, 鮮蝦啲肉好彈牙, 龍躉肉質挺滑, 肉厚而鮮嫩。一食就知新鮮。 鮮蝦滑 蝦丸加咗蟹
同一班相熟食友好飯聚，試吓新餐廳就最好，揀點鍋係因為餐廳係旺角方便大家，而且打邊爐一大窩同老友分甘同味，食得開心。
店鋪以白色為主調，感覺樸實整潔，裝潢簡約。大多數卡位, 幾多人黎都無問題。
醬料調味放在一旁，有醬油、醋、生蒜、熟蒜、蔥花及紅椒，任由客人自由組合,選擇多，而且除了汽水樽裝茶, 也有店家自製的涼茶, 清熱下火解吓燥, 誠意可加。
打鞭爐鍋底嘅吸引力好重要, 餐廳足有十數款供選擇, 我地揀左兩款, 分別係:
蟲草花雞湯
個湯溫而不燥, 蟲草花雞湯淡雅清甜, 蟲草花、龍眼肉、淮山、杞子材料足, 雞件真喺得啱啱好，鮮味肉滑, 未落其他料打邊爐之前都要多飲幾碗。
蕃茄薯仔牛腩鍋
湯底放有鮮蕃茄、薯仔，用咗大量鮮蕃茄熬製的湯底非常鮮甜。煮透後牛腩肉味濃郁。
-
牛肩肉
肥牛跟火鍋真喺走唔甩, 牛肩肉薄切輕灼，口感柔軟嫩滑，帶有少少油脂，夠晒滿足！
海鮮拼盤
海鮮拼盤有唔少靚海鮮, 有花甲、龍躉、花蟹仔、鮮蝦等等。 花蟹外殼有光澤，而且頗鮮甜,花甲花甲厚肉鮮甜, 鮮蝦啲肉好彈牙, 龍躉肉質挺滑, 肉厚而鮮嫩。一食就知新鮮。
鮮蝦滑
蝦丸加咗蟹籽，亦有少少蝦肉，爽彈有口感
即炸手工紫菜響鈴卷
響鈴一向都係打鞭爐不可或缺的配料, 即炸的響鈴上枱仲有係熱熱地，響鈴輕灼後，面層辣辣腍腍，內層香香脆脆。效果不俗。
生菜雜菇
蔬菜類有近30款選擇，包括多款菇菌、粟米、娃娃菜、生菜等等，最重要係蔬菜夠新鮮。
脆鯇魚片
鯇魚腩挺新鮮, 色水有光澤，帶點晶瑩之感。口感脆感
魚肚
含豐富膠原蛋白
黑松露蝦蟹餃&芝士紫菜蝦蟹餃
店長推介我哋試吓啲餃類, 全部自家製，質素高兼水準有保証。
以鮮蝦、蟹做餡，蝦肉幾爽彈, 肉餡加入黑松露醬，咬落既鬆化彈牙, 味道唔錯
芝士紫菜蝦蟹餃
內裡填滿紫菜蝦蟹，一咬一口都滿滿嘅蝦蟹既肉, 夠晒滿足！
芝士墨魚丸
全部都自家製，粒粒閃爧爧, 食過就知有質素，無欺場，墨魚味十足，墨魚丸不愧新鮮手打，口感爽彈，爆心芝士令人回味。
手打豬肉丸
食得出係新鮮貨色，食落無臊豬味，入口亦爽口彈牙。
鯪魚肉
魚身彈牙, 又食唔到碎骨，魚味濃郁
-
金沙咸蛋炸魚皮
自家製作，唔用來貨, 食得出有水準，咬落卜卜脆，金沙咸蛋夠咸香
蜂巢豆腐
豆腐放入湯吸滿湯汁，變得煙韌有咬口，
稻庭烏冬
麵質煙韌
雪糕糯米糍
有朱古力、抹茶紅豆同士多啤梨, 小小一粒飯後甜品一流. 真喺唔錯！。
食咗成晚，可以總結一句：「料靚好食」，湯底丸類肉類，都食得出用料精，加上餐廳環境舒服好坐，食材具質素，任食火鍋黎講絕對一流, 而且店員侍應服務殷勤有禮，呢一餐的確食得開心。
张贴
