六公館

营业中

休息中

男朋友幫我慶祝生日，一早book咗位話食呢間六公館。六公館原來係一間fusion菜餐廳，門面裝修好似西式咁，又有個吧，又有平台花園，食嘅菜式主要係中菜為主。我哋叫咗個餐，每人平均七百幾。前菜上咗呢個叉燒，海膽蝦春卷同埋扁豆。叉燒就正正常常，個蝦春卷一啲海膽味都冇，而且個皮好硬。扁豆就凍凍地，冇乜特別。呢個湯等咗成四五個字先有得飲，食完個前菜就戇居居咁坐咗喺度等，不過個湯真係好好味嘅，下面個蠟燭燒住啲湯就熱辣辣出晒煙。呢個類似係青椒既蝦，食落去好麻，同埋佢好快上碟，未飲完個湯啲蝦都已經凍哂。原本呢碟應該係牛柳粒，但係佢臨時同我哋講咗冇牛肉得返豬肉，所以變咗做類似生炒骨咁。好失望，又細碟又唔抵食。呢碟菜就正正常常，唔太識欣賞。呢個係唔知乜嘢炒米粉，冇乜味嘅。最後碗楊枝甘露就好凍，亦都好甜，冇乜特別。整體來講呢間野唔會再試，貴得來份量又細，完全唔合性價比，可能我唔慣係高級餐廳食嘢啦。