鍋心粥底火鍋 (德成街)

营业中

休息中

去咗佐敦鍋心食粥底火鍋，好新鮮好食！我哋揀咗兩個套餐，龍蝦套餐同龍蝦+肉蟹套餐，兩款都配埋沙自蜆。龍蝦同蟹肉新鮮彈牙，由職員幫手剪開，食起來仲方便。🐟🦐仲有得自選海鮮，包括鮑魚、蠔、海蝦、元貝同大尾魷，每樣都夠新鮮，放入粥底煮完更加鮮甜。🐚🦪而且肉類選擇都好吸引，美國牛小排、牛五花同豬梅肉都嫩滑可口，自家製嘅手打雞軟骨丸同牛肉滑亦好彈牙，潮州白魚蛋、一口豚肉粟米雲吞都係必試！🥩🐖最後職員幫手將湯底加入配料煮成粥，濃稠香滑，完全吸收晒食材嘅鮮味，真係完美句號！🍲🍚整體嚟講，鍋心粥底火鍋無論係海鮮定肉類都非常新鮮，服務貼心，絕對係朋友聚會或者家庭食飯嘅好選擇！👍😊