喫茶ちょうぼ

营业中

休息中

早幾日同朋友去咗尖沙咀K11嘅喫茶ちょうぼ，主打日式茶室感覺，裝修舒服，坐低慢慢歎真係幾寫意。首先上枱係若葉香氣蛋包飯，個蛋包好滑，切開仲見到蛋漿微流心，落去有淡淡香葉味，仲有份量十足嘅牛油果，牛油果控必點。蔥油香菜唐揚炸雞都幾有驚喜，炸雞外脆內嫩，完全唔乾柴；蔥油加埋落炸雞度，味道更惹味唔會搶味。主食仲有日式咖喱牛肋肉烏冬，咖喱汁夠濃，唔會辣，牛肋肉炆到好腍，入口即化。特別之處係面頭刨咗啲朱古力碎，意外地幾夾，增加咗層次同香氣。烏冬彈牙掛汁，食完好有滿足感。飲品方面，一番甜薯牛乳有濃郁甜薯香，唔會太甜，飲到有種順口滑溜感；抹茶麻糬沙冰抹茶味濃，麻糬煙韌，沙冰口感清爽，夏天飲真係透心涼。甜品叫咗初夏清甜蜜瓜刨冰，一上枱已經好吸睛，刨冰細細粒好軟綿，食完成個人都refresh晒。