玉桃軒酒家 (鱷魚恤中心)

营业中

休息中

同朋友嚟到呢度慶祝生日食晚飯，好近觀塘地鐵站，完全唔使淋雨有瓦遮頭，餐廳裝潢富麗堂皇，而且吊燈增加左貴氣。侍應們好有禮貌，好勤快，一直都行出行埋幫我斟茶叫左扁皮鴨，好快就上菜，份量好大，鴨味好濃，鴨皮脆卜卜，唔算好肥，加上醬油同埋配菜食好好味。而且個皮好煙韌，好有口感。仲叫咗個馬蹄蒸肉餅肉餅，好大份肥瘦適中，馬蹄增加左肉餅的口感，有少少爽口，而肉餅有少少咸， 送飯一流。翡翠花枝珊瑚蚌 - 珊瑚蚌炒西蘭花，西蘭花煮到啱啱好唔會太林或者太硬，而珊瑚蚌就好爽口。見到好多人拎埋生日蛋糕同老人家一起慶祝生日。