影片
更多
2019-05-28
116 浏览
終於考完大學最後一次既試！為咗慶祝完sem，決定同朋友食餐豪既，最後選擇了呢間環境相當不錯既中式餐廳，見佢菜式選擇非常多，重點系有我至愛既片皮鴨！話明片皮鴨系我至愛，而且呢間餐廳最出名就系片皮鴨，咁又點可以唔嗌呢？！鴨烤好後，師傅會即場片鴨，其後店員會詳細講解食法，非常貼心。呢度將鴨分咗鴨皮、鴨胸肉同鴨腿肉三部分，每一部分都配以唔同既食法，聽聞有啲係呢度獨創既食法，非常特別。首先係鴨皮配以藍莓醬同爆炸糖，咁既食法真係第一次試，鴨皮好香油香，再加埋爆炸糖喺口入面啪啪啪咁爆，好盞鬼，而且係出奇地夾。其次係鴨胸肉配以芥末醬，酸酸甜甜咁，兩者非常夾。最後鴨胸肉就係傳統既食法，鴨胸肉非常嫩滑，再加埋青瓜同甜醬包埋一齊食，勁正😆；又或者可以配山楂加洋蔥同藍莓醬，新既食法亦相當不錯。另外仲嗌了多款小菜，特別中意梅菜干煸四季豆，送飯食簡直一流。動感豆腐既動感原來係因為木魚絲😂，豆腐非常嫩滑，再加埋木魚絲，口感豐富了不少。芥末沙津蝦球係店員推薦的，大大隻既蝦球，以米餅作底，再加埋芥末醬，口感相當豐富。青梅一字骨，一上菜就聞到酸味，食落亦好入味。宮爆雞丁相當入味，而且雞肉肉質嫩滑，不錯。食咗太多肉，為咗減
話明片皮鴨系我至愛，而且呢間餐廳最出名就系片皮鴨，咁又點可以唔嗌呢？！鴨烤好後，師傅會即場片鴨，其後店員會詳細講解食法，非常貼心。
呢度將鴨分咗鴨皮、鴨胸肉同鴨腿肉三部分，每一部分都配以唔同既食法，聽聞有啲係呢度獨創既食法，非常特別。
首先係鴨皮配以藍莓醬同爆炸糖，咁既食法真係第一次試，鴨皮好香油香，再加埋爆炸糖喺口入面啪啪啪咁爆，好盞鬼，而且係出奇地夾。
其次係鴨胸肉配以芥末醬，酸酸甜甜咁，兩者非常夾。最後鴨胸肉就係傳統既食法，鴨胸肉非常嫩滑，再加埋青瓜同甜醬包埋一齊食，勁正😆；又或者可以配山楂加洋蔥同藍莓醬，新既食法亦相當不錯。
另外仲嗌了多款小菜，特別中意梅菜干煸四季豆，送飯食簡直一流。
動感豆腐既動感原來係因為木魚絲😂，豆腐非常嫩滑，再加埋木魚絲，口感豐富了不少。
芥末沙津蝦球係店員推薦的，大大隻既蝦球，以米餅作底，再加埋芥末醬，口感相當豐富。
青梅一字骨，一上菜就聞到酸味，食落亦好入味。
宮爆雞丁相當入味，而且雞肉肉質嫩滑，不錯。
食咗太多肉，為咗減低罪惡感，叫咗呢個金銀蛋浸萵筍，好清甜。
中意食芋頭既朋友，唔好錯過呢個蜜汁脆芋絲，會食到停唔到口。张贴
