其實貴對我嚟講真係唔係問題，因為食好食嘅嘢貴都係值得嘅！
但係我想問吓點解要整到咁細碟呢？我覺得自己有被騙嘅感覺。以前已經好細碟，但係我尋晚去食，係前所未有咁細碟！！！
係咪蝦我！！！！ 我見另一枱無少麵到咁樣！！！！佢係用平時酒樓用嚟墊起碗下邊嗰隻大細嘅碟，來裝一碟價值$72嘅炸醬雲吞麵。炸醬又少！
自從食完呢一碟麵，我好懷疑我應唔應該再嚟幫襯，每一次食完都唔飽，人頭費都$80，完全唔飽先$80，要飽嘅話應該百幾蚊。
我都想幫襯你，但你話返俾我聽你真係值得先得㗎？人哋英記都少少貴㗎，但係人哋大大碟，起碼食得飽先丫。唔飽食嚟做咩？
我食完番屋企仲要煮面食呀陰公
