明閣 (香港康得思酒店)

我哋book咗 Cordis嘅staycation!所以包咗今餐嘅晚餐！環境係唔錯，無論係待應同埋食物質素其實都好好！所以食得好開心好滿足！套餐本身係包咗六個菜，正常應該已經夠飽架啦！不過我哋都叫多咗兩款食物，諗住可以影吓相，打吓咭！前菜嘅小鮑魚我自己好鍾意！凍冰冰又有啲酒香味，另外有一口嘅燒大膳我都好like,脆卜卜嘅表面，但內裡肉質鮮嫩👍🏻叉燒就普普通通啦！另外套餐都包咗個醬油藍天使蝦！我覺得味道較濃！另外我哋自己叫果款蝦就好好多，一份有米通，而且有三種唔同食法嘅蝦，好好味！另外和牛粒都好淋而且冇筋，到最後就係我最愛嘅甜品啦！燕窩蘆薈官燕糕，清清甜甜好味道，之後我哋再叫咗一個識得噴煙嘅甜品!甜品本身味道冇乜特別！平時好多酒樓都做到，只係佢加咗乾冰所以識得出煙，視覺效果比較好，所以先咗嚟影相啫⋯⋯我哋另外叫果兩款食物因為入住酒店所以有優惠，而且今餐仲送咗個LALIQUE水晶爉燭比我😊開心呀