陳儀興飯店 (嘉悅)

👫 同朋友去咗將軍澳分店嘅 陳儀興飯店，一入門就見到熟口熟面嘅老夫子。最近餐廳同老夫子合作，成間舖都變成咗漫畫世界，牆上、餐牌、角落位都見到佢嘅身影，仲有幾個打卡位，氣氛好有趣。

細個成日睇老夫子漫畫，連《老夫子大電影》都睇過，今次見到佢變成餐廳主題，感覺特別親切。

7

🍚 一坐低就叫咗個「老夫子套餐」，唔止得個名有趣，味道都幾有驚喜：

🍃 原來如此｜蒜蓉炒蕃薯苗
炒得夠鑊氣，菜嫩唔老，蒜香啱啱好，簡單但唔馬虎。

🐟 勢均力敵｜鹹魚蒸馬友
鹹魚香撲鼻，馬友肉質滑身，鹹香滲入魚肉，撈飯一流，兩樣味道互相襯托。

🥩 各有千秋｜蜜椒番薯牛柳粒
牛柳粒炒得香口，唔韌，蜜椒微甜，番薯粒外脆內粉，口感幾有層次。

🦆 非同凡響｜滷水鵝肝
滷得入味，鵝肝夠滑，唔會膩，味道濃郁但唔霸道，幾有驚喜。

1

1

整體裝修有心思，氣氛親切，啱晒三五知己坐低慢慢食、慢慢講。合作係期間限定，老夫子迷可以趁呢排嚟朝聖一下，幾款菜式都係今次主題推介。