金鳳大餐廳

营业中

休息中

帶子牛柳餐 ：係每月特選晚餐，除咗牛油麵包，餐湯同餐飲，更包埋沙律及甜品，抵食。2粒帶子size 夠大隻，味道ok，質地正常爽口。牛柳叫咗5成熟配黑椒汁，職員係面前淋汁，聽到吱吱聲，睇到一陣煙，聞到黑椒香氣，勁吸引。燒得唔錯，肉質軟淋冇乜筋，成件扒都啖啖肉，冇一大嚿肥膏。有2件size比手心大既牛柳，2件都好厚肉，切開有啲血水，如果怕生既話，建議早啲切開等鐵板煎熟少少。配上黑椒汁，好滋味😋餐湯叫左羅宋湯，都足料有唔少雜菜，酸酸甜甜，加埋胡椒粉少少辣，味道幾好。沙律有薯仔、青瓜、雜果，港式茶記味道，配有2條蟹柳味道正常唔錯。餐飲加$18要紅豆冰，紅豆大粒，煲得夠淋，配雲尼拿雪糕，係童年回憶呀。甜品都係雲尼拿雪糕，因為紅豆冰都有，所以比左朋友食。貴族牛扒（美國牛肩肉）：都係叫咗5成熟既牛扒，都係配黑椒汁，牛味香濃，肉質有口感但唔韌。凍凍地食完熱辣辣咁大份扒，感覺滿足😌嗰日見到幾張檯都係一家大細一齊嚟，我諗鐵板餐、紅豆冰、薯條…應該係歡渡佳節既絕配。