楚撚記大排檔 (日富里百好大廈) (已結業)

同事生日，我哋去咗西環楚撚記大排檔，大排檔出名菜式齊全夠鑊氣，室內環境充滿懷舊風格，每晚都座無虛席，極受食客歡迎。菠蘿拔絲咕嚕肉：用梅頭肉做嘅咕嚕肉炸得外脆肉嫩，味道酸酸甜甜，喜歡比較甜的，可以多捲一點拔絲，入口即溶，味道甜滋滋！椒鹽鮮魷：鮮魷香脆唔油膩，肉質鮮嫩唔會硬，口感彈牙好惹味！楚撚記脆皮燒BB鴿：BB鴿燒到皮脆肉嫩，每一啖都油香豐富而且味道鮮美 ！鮑汁海皇福建炒飯非常足料，飯底炒到粒粒分明，另外將雞肉、蝦、菇粒、等用鮑汁芡汁煮好，淋上飯面，伴均勻後食，每啖都鮮甜美味，層次感豐富！食完飯仲有糖水送，兩款任揀，每人一碗，紅豆入口軟腍，清甜可口。番薯肉質香糯軟滑，味道香甜。