影片
更多
2023-11-13
588 浏览
今日要嚟尖沙咀做嘢，好唔容易捱到 lunch break，即刻約喺附近返工嘅朋友出嚟食個快飯。唔想去茶記，提議試下加拿分道呢間「拉麵來」。餐廳嘅佈置好有特色，經過門口已經有種好似去咗日本嘅感覺。店內裝潢以木系為主調，牆上貼滿了日本舊海報和玩具，帶濃厚復古昭和氣息。我哋每人點咗一個午市定食，套餐包拉麵、小食同罐裝飲品，麵條可以自選軟硬度、湯底嘅濃度，要唔要走蔥同蒜等，做法非常貼心。北海道牛乳忌廉湯雞叉燒拉麵 ($98) 以雞白湯配上香滑北海道牛乳忌廉醬，選材吸引，湯底呈奶白色，入口濃稠 creamy，帶陣陣牛乳香。雞叉燒自家製，雞肉柔嫩有雞味；麵條軟硬度啱啱好，食落彈牙有口感；配料有甘筍絲、紫椰菜、靈芝菇同青蔥，非常豐富。至於呢碗牛舌牛尾湯拉麵 ($108) 用料亦唔馬虎，湯底選用上等牛脊骨及牛尾熬煮而成，湯色清澈，入口清新不膩。牛舌肉身肥厚，多汁有嚼勁，配香蔥和味筍吃，滋味無窮。兩款拉麵嘅小食都揀咗火炙叉燒，叉燒大大片，肉質肥瘦分明，軟嫩有肉香。另外仲嗌咗碟自家製餃子 ($42)，餃子煎得好香脆，皮薄餡多，入面嘅椰菜同豬肉比例啱啱好，蘸秘製醬汁吃，更添滋味。
今日要嚟尖沙咀做嘢，好唔容易捱到 lunch break，即刻約喺附近返工嘅朋友出嚟食個快飯。唔想去茶記，提議試下加拿分道呢間「拉麵來」。
餐廳嘅佈置好有特色，經過門口已經有種好似去咗日本嘅感覺。店內裝潢以木系為主調，牆上貼滿了日本舊海報和玩具，帶濃厚復古昭和氣息。
我哋每人點咗一個午市定食，套餐包拉麵、小食同罐裝飲品，麵條可以自選軟硬度、湯底嘅濃度，要唔要走蔥同蒜等，做法非常貼心。
北海道牛乳忌廉湯雞叉燒拉麵 ($98) 以雞白湯配上香滑北海道牛乳忌廉醬，選材吸引，湯底呈奶白色，入口濃稠 creamy，帶陣陣牛乳香。
雞叉燒自家製，雞肉柔嫩有雞味；麵條軟硬度啱啱好，食落彈牙有口感；配料有甘筍絲、紫椰菜、靈芝菇同青蔥，非常豐富。
至於呢碗牛舌牛尾湯拉麵 ($108) 用料亦唔馬虎，湯底選用上等牛脊骨及牛尾熬煮而成，湯色清澈，入口清新不膩。
牛舌肉身肥厚，多汁有嚼勁，配香蔥和味筍吃，滋味無窮。兩款拉麵嘅小食都揀咗火炙叉燒，叉燒大大片，肉質肥瘦分明，軟嫩有肉香。
另外仲嗌咗碟自家製餃子 ($42)，餃子煎得好香脆，皮薄餡多，入面嘅椰菜同豬肉比例啱啱好，蘸秘製醬汁吃，更添滋味。
张贴
