洋食商店 (喜遇)

营业中

休息中

餐廳裝修主打懷舊，營造出西日居酒屋感覺，叫咗招牌鍋二人餐，喺呢度食飯侍應會全程幫你煮埋，專心坐低食就得。套餐包咗兩款牛肉、小食兩款、關東煮同黑松露燉飯，另外加錢叫咗兩杯特飲同甜品。小食揀咗玉子燒同可樂波，玉子燒面鋪滿蟹籽同沙律醬味道超級正 😋 和牛可樂波炸得幾香口，不過黑松露味再突出啲就更正。澳洲和牛同牛頸脊味道都唔錯，配埋蛋汁食口感更佳，食完牛就食蔬菜，最後將剩返嘅壽喜燒汁加埋黑松露整成燉飯，燉飯味道甜甜地。自己揀咗開心果奶蓋烏龍茶，味道幾得意，茶味中帶點芝士味同開心果粒咬感。最後同朋友 Share 呢個帶有少許酒精嘅 Tiramisu雪糕杯，自己幾鍾意呢度嘅甜品，因為餐廳耐唔耐就會轉款，而且份量都好大杯。