Tivoli 意大利餐廳

营业中

休息中

今日同朋友去咗尖沙咀一間意大利餐廳，一推開餐廳門，就好似坐咗時光機去咗七，八十年代咁。。。餐廳燈光比較暗，每張枱都有一支大大嘅蠟燭，好有浪漫嘅情懷！大蝦芒果沙律一個大大嘅芒果，切開咗一半，芒果嘅底部仲擺咗大蝦，芒果超甜，超好食！而且沙律入面仲有好多生果仲有薯仔食完個沙律已經有五成飽😂焗青口鮮魷意大利粉用錫紙包住上碟，店員喺我哋面前切開，熱辣辣超好食，因為落咗胡椒粉嘅緣故，所以比較辣，但係非常惹味！而且青口同魷魚都唔少，好足料！西班牙豬鞍唔靭，肉質仲好嫩滑。份量都好大！Espresso Cream Brulee咖啡味好濃厚，仲好creamy, 十分欣賞！Pineapple雪葩半個菠蘿上碟，好有特色，菠蘿嘅甜味仲好清新！呢度嘅甜品，我覺得非常出色！讚👍🏻必食！溫馨提示： 每款食物嘅份量真係好大好滿足！所以千祈唔好亂嗌，如果唔係就會變做大嘥鬼😊