小城知味 (德福廣場1期)

营业中

休息中

好耐無去九龍灣德福廣場行街，由於今晚有飯局，所以決定早啲去行吓。商場煥然一新，多咗好多名店進駐，足足可以行半日。行到攰，想簡簡單單揾間餐廳坐底，嘆番個下午茶。唔想幫襯連鎖餐廳，行出平台見到小城知味，睇過下午茶餐牌，都幾多選擇，於是就入咗去，唔駛等位，服務員態度有善地安排入座，舖內環境都幾舒適，見到餐牌食物好多都想試，但又唔想食咁飽，就揀咗個街頭足料碗仔翅拼風沙脆雞翼($42)，另加$5叫咗杯檸檬薏米水。碗仔翅大大碗，真係好足料，雞中翼有三隻，炸得好脆好惹味，加埋杯凍檸檬薏米水，配得啱啱好。服務好，食物好，價錢平，一定有下次。