小城知味 (德福廣場1期)

营业中

休息中

九龍灣德福平台原來有呢間小店食家常小菜，夜晚set可以自行搭配小菜，最平加多$28可以多一個餸🤠🔸咕嚕魚塊醬汁酸酸甜甜開胃，魚柳外層炸得酥脆，仲有菠蘿同彩椒👻🔸 燒汁薯仔牛柳粒薯仔同牛柳粒都果醬滿滿嘅燒汁，最啱送飯🔸瑤柱粉絲雜菜煲想清淡少少嘅都可以試呢個粉絲煲，粉絲都幾多～🔸夢王蛋撈飯呢度除咗白飯仲有肉燥飯，上面仲有個溏心蛋添🤭🍴小城知味📍九龍灣偉業街33號德福廣場1期平台P8A號舖

最近因為搬屋，所以自己下廚相對比較少🥹，但又想食一些家的感覺的食物，餐廳的套餐有跟上例湯，所以就進店試試😘（5⭐️最高）柱侯牛腩+例湯 （5⭐️）柱侯牛腩燉煮得極為入味，牛腩軟嫩而不失嚼勁😗，柱侯醬的濃郁香氣與陳皮的回甘完美融合，湯汁滲入河粉後更添層次感😋。搭配的例湯看似清淡，但熬煮得當，帶有老火湯的醇厚，可能是豬骨或雞腳湯底，與重口味的牛腩形成絕佳平衡🤩。 蜜糖燒汁薯仔牛柳粒配醬油溏心蛋台式肉燥飯 （5⭐️）這道菜結合了港式與台式風味，薯仔外脆內軟，牛柳粒嫩滑多汁，黑椒蜜汁甜辣交織，鑊氣十足😝。肉燥飯的鹹香與溏心蛋的流心蛋黃相得益彰，醬油滷蛋入味卻不死鹹😉，整體口感豐富，但稍嫌醬汁略多，若米飯能更粒粒分明會更完美。 上海咸肉菜飯 （5⭐️）這款承載老上海回憶的菜飯，鹹肉油脂滲入米粒，搭配炒至微焦的青菜☺️，香氣撲鼻。米飯軟硬適中，豬油的加持讓每一口都充滿懷舊風味🥹，若鹹肉比例稍減，或能更突顯青菜的鮮甜。

餐廳好受區內外街坊歡迎，午市套餐定價親民，有定食套餐、客飯、湯粉麵，連蒸魚都有，選擇豐富店員服務親切，用餐體驗好好🎈雜菌瓜粒滑雞湯飯夏日期間限定，消暑啱晒可以要求白飯分開上，慢慢食都唔會浸淋晒雞肉好嫩滑而且調味做得唔錯，好有鮮味配料亦俾得好足，瓜粒、雜菌滿滿一碗，食餸都有7成飽，性價比頗高🎈殺豬湯米線清清哋嘅選擇，裡面有3款配料，仲有蔬菜好貼心🥬豬扒香口唔油膩豬肚軟腍無肥膏，加上爽彈貢丸，成個感覺好豐富

好友約我去位於九龍灣偉業街33號德福廣場一期平台P8A號舖的<小城知味E.C.Eatery>食晚飯，環境舒適，裝修簡潔，食客擠擁，十分熱鬧。我哋點咗：🥢柑桔檸檬蒸倉魚+飲品（凍檸檬茶）$75：倉魚蒸得好火喉，骨肉分離，魚肉嫩滑，柑桔檸檬酸酸甜甜好味。🥢蔥油雞定食：前菜、時菜、燉湯、白飯、甜品 $79：份量十足，蔥油雞的雞肉滑嫩，伴碟的花生軟綿好食，送飯一流。原裝燉湯的材料份量足夠又好飲。🥢拍蒜青瓜 $28：酸酸甜甜，好清爽又開胃。

德福廣場平台嘅「小城知味✨」，絕對係街坊飯堂，平靚正既選擇，晚餐方面，有小菜套餐、台式便當等等嘅不同種類選擇🍱，非常抵食。晚市套餐由$69起，有小菜、白飯、原盅燉湯及油菜。「菠蘿咕嚕肉🍍」咕嚕肉外脆肉軟，再加上菠蘿、三色椒及洋蔥，甜酸味道平衡，搭上菜飯，加埋一碗原盅燉湯，夠晒火候，真係唔錯「滋味炸豬柳🐖」柳條大小適中，經過醃製後炸至金黃酥脆。每一口都有肉汁，搭配白飯同原盅燉湯，好味「鹽酥雞配炸醬撈烏冬🍜」台式鹽酥雞，外面炸得酥脆，雞肉嫩滑，味道吸引。滷肉炸醬撈烏冬，層次及味道豐富，滿足屋企懶得煮飯，絕對係一個好選擇

全日又紅雨又黃雨，近近地放工去德福平台的小城知味食晚飯啦，是晚好旺喎，全場坐滿座無虛席。先掃碼落單，知味定食好抵喎，一份小菜仲包涼菜、白飯同燉湯，另外仲有幾款特飲特價十蚊咋，叫哂佢先。⭐小城沙薑雞定食朋友點左沙薑雞套餐，雞件嫩滑加上沙薑鹹鮮，好啱下飯😋個餐仲有一碗上湯白菜仔、涼拌菜、原盅燉湯，是晚甜品係茄汁腸仔？哈哈。⭐小城風味炸豬柳配知味大廚醬定食自己點左炸豬柳套餐，即叫即炸熱辣辣，入口酥香😋個大廚醬就一般啦，個人覺得偏油啲啲。燉湯原汁原味好鮮甜，勁好飲！最正係個菜飯，用左鹹肉炒香，飯軟硬適中，有菜爽脆口感仲有肉味鹹香，淨係食飯都唔使加餸啦🤤⭐凍檸茶 & ⭐黑牛大大杯凍飲都係十蚊，抵！加埋一唔使兩百蚊，超值😋

收工去咗呢一間餐廳，點咗口水雞套餐（連前菜、菜、原盅燉湯、甜品，加$10有台式肉燥鹵蛋飯）、沙薑雞套餐（連前菜、菜、原盅燉湯、甜品，加$3有菜飯），仲叫咗一份$19麻辣無骨鳳爪。講真，呢個價錢真係幾抵食！全套餐加飯同小食咁平，喺香港真係唔容易搵到，份量仲好足，食完真係好飽👍🏻餐廳環境有啲中式風格，燈光暖暖哋，坐位都幾寬敞，服務都唔錯，店員好快手，落單同上菜都無乜拖拉。燉湯好似幾用心，飲落有陣藥材味，甜品都ok，唔會太甜🙌🏻主菜口水雞同沙薑雞賣相唔錯，口水雞嘅醬汁有啲麻辣味，沙薑雞就多薑香。台式肉燥鹵蛋飯嘅鹵蛋幾入味，肉燥偏甜，菜飯就簡單清爽。麻辣無骨鳳爪咬落軟腍腍，辣度適中，算係一個小驚喜😌

今日收工想食港式菜，就去咗屋企附近餐廳，試咗幾款嘢食同大家分享下😋醬油流心蛋知味大廚醬撈烏冬配上海雲吞 $49超抵食又好味！🤤 烏冬夠曬彈牙，撈埋肉燥鹹甜適中，好惹味！個流心蛋係精髓，撈埋啲麵一齊食，好正！💯 上海雲吞都唔錯，皮薄餡靚，食落去好滿足！仲配有前菜勁豐富雜菌瓜粒滑雞湯飯推薦夏天必食！湯飯嘅湯底好清甜，啲雜菌同瓜粒都好新鮮，雞肉份量十足夠曬滑，高質！🍚🐔最後試埋2款小食😋😋 麻辣無骨鳳爪夠曬惹味，爽口彈牙，麻辣味又夠曬香，食落去好過癮！🌶️咖喱雞肉串燒（4串）好香濃，啲雞肉燒得啱啱好，外脆內嫩，好滿足🍢飲品方面揀咗凍檸茶同埋檸檬薏米水（熱），清新解渴，飲落去好舒服🍋

九龍灣搵食唔使頭痕！平台花園呢間街坊小店，師傅手勢紮實無花巧，份量足料夠誠意，簡單幾道菜已經食得出用心～ **🐔 薑蔥霸王雞 (半隻)** 雞肉嫩滑得嚟有咬口，冰鎮過嘅雞皮爽脆乾淨。薑蔥油份量啱啱好，辛香唔搶戲，吊出雞肉鮮味。最欣賞佢哋連雞胸位都唔嚡口！ **🍍 菠蘿咕嚕肉** 即叫即炸夠熱辣，外層脆漿薄身，咬落微脆帶輕盈感。酸甜汁調得平衡，唔會死甜嗆喉，仲食到新鮮菠蘿果香，伴碟燈籠椒都爽脆入味。 **🧊 懷舊飲品孖寶** ▪️ **紅豆冰**：紅豆煮得綿密起沙，椰奶香甜溫柔，碎冰比例剛好唔會沖淡味道～ ▪️ **黑牛**：童年回憶返晒嚟！雲呢拿雪糕慢慢融化嘅甜，溝埋可樂氣泡好過癮，記得趁冰凍時飲。 **📍 小城知味** 九龍灣偉業街33號德福廣場1期平台P8A號舖

估唔到德福有間咁好食嘅茶記，以前係附近返工都未食過🥢五香肉丁椰菜炒飯 $49好食有鑊氣好惹味，唔會太鹹，不過嗰底好多油，上面就乾身啲好食啲，配料五香肉丁同椰菜都多，不知不覺食咗好多👍🏻🥢鹽酥雞肉燥撈烏冬 $49簡單好食，夏天食唔會太熱，鹽酥雞炸得香脆，仲有迷你蛋撻做小食，都幾香酥，幾好食，夠飽🤤🧋熱奶茶🧋凍奶茶凍熱都好飲🚩小城知味 (九龍灣)📍九龍灣偉業街33號德福廣場1期平台P8A號舖

今日就同朋友去左小城知味食飯餐廳環境舒適闊落，食物選擇繁多醬油流心蛋知味大廚醬撈烏冬配上海雲吞上海雲吞餡料飽滿，烏冬面頭放左好多肉碎，流心蛋既蛋液搭配濃郁既大廚醬，香氣四溢，仲有芒果布甸做甜品另外仲有知味定食，每款定食附有前菜、時令蔬菜、燉湯同甜品，份量十足燉湯超級足料，味道鮮甜，沙薑雞雞肉嫩滑入味，配撘菜飯，有唔少既小棠菜炸香芋蕃薯丸口感外酥內糯，芋頭內餡香甜可口椒鹽雞中翼炸到金黃酥脆，雞肉香口juicy

喺住宅樓下就有一間坐得幾舒服嘅茶記，食物質素都正常，幾推介街坊或者大家收工可以嚟食！地鐵站行多幾步就到！🚶‍♀️叫咗兩個餐：🍚 蔥油雞+夢王蛋肉燥飯+冬瓜湯雞夠滑，無雪味！👍 隻蛋半熟，肉燥都好夠味，好惹味，連埋飯食最好！🤤 冬瓜湯係例湯，但係都幾多料，夠消暑🍜 咕嚕肉＋夢王蛋撈烏冬+燉湯咕嚕肉酸酸甜甜，炸粉唔厚，好好餸飯！👍 特別讚下佢哋個燉湯足料夠味，有啖湯水飲真係暖笠笠！🥰呢間整體都算抵食，有飯有湯有菜仲有個甜品，街坊價夠親民！👍 份量都幾足，CP 值高！😎啱晒街坊或者收工想食啲家常小菜的朋友！🍚📍 九龍灣偉業街33號德福廣場1期平台P8A號舖@chillchill_aloye

位於九龍灣德福廣場既-小城知味，主打粵式小菜同小菜定食🍱食物款式豐富，而且價錢合理~🍴蜜糖燒汁薯仔牛柳粒定食（$79）定食食含：前菜、湯、一份小菜、油菜、飯/烏冬同甜品💁🏻‍♀️蜜糖燒汁薯仔牛柳粒，燒汁味比蜜糖味突出，牛柳肉質軟腍，薯仔輕輕炸過🥔幾香口~前菜係醃蘿蔔，酸甜開胃，湯可以揀例湯或燉湯，兩個定食餐都揀左燉湯，是日燉湯係椰子雞，幾足料👍🏻菜飯（+$3），菜同鹹肉都幾多，食落唔會油膩。甜品有一粒香芋番薯丸，外皮炸到金黃色，餡料軟滑👅🍴菠蘿咕嚕肉定食（$75）咕嚕肉外皮香脆，肉質夠腍👄酸甜醬足夠包裹每粒肉，送飯一流🍚🍴椒鹽雞中翼 （$25）雞翼一共有四隻，一上枱夠哂熱辣辣🔥外皮香脆，肉質軟嫩有汁💦

成碟牛河完全冇味。好似清水白烚一樣。 知道中伏，嘗試落啲辣椒醬甜醬，但係毫無改善 ，向店員講完， 佢畀咗支美極嘗試加番D味。越搞越難食 。最後趕時間， 食唔落， 原封不動， 直接埋單走人。收埋加一盛為75元。

叫咗個最平嘅49蚊 鹽酥雞烏冬 同埋65蚊嘅唐揚雞飯， 點知呢唐揚雞同鹽酥雞同一樣嘢嚟， 一個係日本嘢食一個係台灣食物，但結論竟然係煮到變同一樣野， 變咗白飯就貴烏冬 16蚊， 真係做咗一個愚蠢嘅決定。 我唔知應該同老細講定廚師講， 飛出去外面食下咩叫唐揚雞同埋鹽酥雞， 如果佢係一件唐揚雞 但係就極細塊， 如果佢係一件鹽酥雞就缺乏華鹽，所以我結論係唔似唐揚雞亦都唔係鹽酥雞。雖然係好味，但不知所謂， lunch要加一服務費亦都唔合理， 不會再次光顧