Odelice! (PopCorn 1)

再一次到Odelice! 品嘗晚餐為著屋企人生日。親民價錢，性價比高的法國餐廳。越多人食，套餐性價比越高。今次嗌咗三款前菜四款主菜一款甜品。因為有我女女嘅出席，所以仲特登嗌咗一個兒童餐俾佢㖭。前菜依然有南瓜忌廉湯，法包。今次嘅選擇依然有我嘅最愛既法式頭盤，另外加了煙三文魚，生牛肉他他漢堡。主菜今次選擇咗帶子薄餅，薄餅餅皮係好似平時嘅可麗餅咁煎得脆脆加上忌廉汁同埋煎香嘅帶子好好味呀。蟹肉意粉同埋油鴨髀一定唔少得。今次再加多咗個牛扒煎到粉紅色，又香又淋又多汁。加上甜品係橙酒pancake，侍應一開始就會將酒精點火，然後倒到落去之後酒精揮發晒就好香酒味。又係滿足嘅一餐。幸福啊。