榮記茶餐室

閒日大約中午幫襯，坐低冇耐就差唔多滿座。

沙嗲夠香濃，花生粒增口感，同方榮記有得比。牛肉正常發揮，分量亦足夠。

因為㷛仔會保溫，食要掌握時間，食得太慢麵會浸到太軟太糊，影響味道同質感。

如果時間掌握得宜，麵唔會吸太多沙嗲汁。剩低嘅汁可以配多碗白飯，味道同配麵食唔同，係另一種享受。

另外小店沙嗲出色之餘人情味亦非常濃厚，店員同街坊客人有傾有講，對新客如我亦服務周到，感覺溫馨。

見到唔少其他客人都叫乾炒牛河，絕對有下次。