榮記茶餐室

沙爹牛肉煲仔麵真係非一般嘅沙牛麵👍好多牛肉、好多花生，用煲仔相配上熱辣辣嘅麵~好正😋雖然地點有d唔就脚但絕對值得一試！成間舖嘅工作人員係超友善及有禮~嚟小店食嘢就有呢種平靚正嘅感覺😊下次再嚟試煲仔飯~…查看更多

🧭榮記茶餐廳 · 慈雲山天氣又變凍 就好想食熱辣辣嘅野最出名一定係:::沙爹牛肉煲仔面！！！！！！🌟🌟🌟🌟為左佢 專登去食的好重沙爹味 有別普通常餐既沙爹牛公但食到最後係有啲鹹 有得撈飯就一流🤤🤤之後再試下新式嘅煲仔飯邪惡芝士雞煲仔飯 🌟🌟🌟好新鮮熱辣，啖啖食到出哂煙咁但都有煲出唔少飯蕉 都幾好下次再去要試埋普通既煲仔飯先得！！…查看更多

天氣冷了，朋友專程車我去試這裡的煲仔飯。叫了火焰玫瑰牛肉，白鱔加鴛鴦腸，XO醬蝦干排骨。還試了五香肉丁炒津白，可惜有草菇我敏感試不了。煲仔飯，外圍有脆脆飯焦，內裡軟軟白飯，豉油是少甜但杰身，讚讚讚。火焰玫瑰牛肉。。好香玫瑰露。。若牛肉生少少會更好。白鱔很薄，鴛鴦腸好味，我只試了潤腸，好香。XO醬蝦干排骨。。大驚喜。。XO醬有辣勁。蝦干不是干柴。推五香肉丁炒津白，朋友說好吃，不辣。地方是地道小店，但衛生乾淨。店長店員都友善，有人情味。…查看更多

朋友介紹話慈雲山好出名嘅沙嗲牛肉公仔麵，終於抽到時間過嚟，懷舊茶餐廳嘅感覺，多人嘅時候要搭枱。沙嗲煲仔麵可以揀牛肉/豬扒/雞扒 ，可以配公仔麵/粉絲/米粉🤤梗係揀沙嗲牛肉公仔麵啦，用瓦煲上枱好有儀式感，小心真係會嘴🤭面嘅質感啱啱好，一邊食都唔會發脹腍晒👍🏻牛肉都好多👍🏻👍🏻太好食嘅關係，試埋蝦醬乾炒牛河，牛肉真係好多蝦醬味好香濃，又唔會太鹹，唯一河粉一嚿嚿，如果炒得散啲會更加出色😄應該再叫咗個炸老蛋，炸到又似泡芙又似豆卜，口感幾特別，最正係個沙嗲醬👍🏻…查看更多

平時真係好少嚟慈雲山，難得今日經過，緊係要試吓呢間收藏咗好耐嘅餐廳！🤣 雖然位置有啲偏僻，但全場爆滿，仲要感受到侍應嘅熱情同人情味～🤪·▪️ 沙嗲牛肉煲仔麵 💲70一上枱就熱辣辣，煙霧瀰漫！🥹 湯底超濃郁，沙嗲同花生香氣撲鼻，牛肉片嫩滑得嚟又入味，豆卜吸滿湯汁，公仔麵偏硬身但掛湯能力滿分！😳 初頭食覺得好正，但煲到後段越嚟越濃稠，鹹香十足，絕對係重口味愛好者嘅福音！😎·📍 榮記茶餐室 (慈雲山)地址：慈雲山毓華里12號地下A-B號舖…查看更多

好食，即叫即煲5:00去到即刻叫等咗30分鐘煲仔飯才煲好滑雞飯$80加臘腸$10鳳爪排骨飯$80加咗個油菜$15 凍飲加$7 整體好好食員工態度良好下次會試沙嗲煲仔麵…查看更多

秋冬天就到，呢啲天氣最啱就係食煲仔飯。諗起上年冬天專程過嚟呢間吊腳嘅茶餐廳，食咗個流浮山金蠔蝦乾煲仔飯，回味無窮。😋琴晚同朋友舊地重遊，又去試試佢其他嘅煲仔菜式。今次試嘅係沙嗲牛肉煲仔麵，同埋芝士雞肉煲仔飯。❣️沙嗲牛肉煲仔麵嘅沙嗲香濃惹味，牛肉嫩滑，公仔麵喺熱辣辣嘅煲裏面，一啲都唔會過腍，時間控制得好好👍🏼。❣️芝士雞肉煲仔飯，雖然賣相吸引，但食落味道就未如理想。芝士有拉絲，但味道唔夠濃。雞肉都算嫩滑，但個人認為，整體成個煲仔飯同芝士好似有啲違和感，唔係好夾。如果有機會再過嚟，都係推薦食返上年試過嘅金蠔蝦乾煲仔飯。❤️上年試過嘅金蠔煲仔飯👍🏼。。。…查看更多

上網睇過食評，連電視上的推介也看過了，都一致推介，於是專程乘搭的士前往，抱着很大的期望。可是，第一箸已經嚐到味道實在鹹得太厲害呢。太鹹會傷害腎臟，而他的味道太濃烈，即使多放一個公仔麵去開稀鹹味，也許都不足夠。🥲…查看更多

坊間一直都流傳住必食沙嗲牛肉麵嘅清單，而今日難得嚟到慈雲山，點都要嚟試試名單上排名都頗前嘅榮記煲仔沙嗲牛公仔麵。 店面比較細，咁岩嚟嘅時間係午飯時間，所以坐落都有啲迫，但幸好姐姐們都很小心，拎住一個個熱辣辣嘅煲仔遊走向枱與枱之間。 主角出場，煲仔沙嗲牛公仔麵，特別之處就係用平時煲仔飯嘅瓦煲裝住，一上枱蒸氣撲面，熱辣辣香噴噴嘅沙嗲味撲鼻而來，牛肉嘅份量都頗多，花生味濃郁岩哂重口味嘅朋友，豆卜勁入味，不過可能用瓦煲裝住，所以比平時茶記嘅普通沙嗲牛更加熱，食嘅時候要小心。 整體而言，值得一試…查看更多

網上已經有好多高度評價嘅介紹，每個落單都係用心製作即叫即。放假終於可以去試。11點到店當然叫咗店之寶，沙嗲牛肉煲仔麵，店員溫馨提示製作需時，所以要等。5分鐘之後熱騰騰嘅煲仔麵已經在我眼前，無論湯或沙嗲味道非常好，估唔到仲有好多牛肉，差啲食唔晒。食物評價固然唔需要再多講，反而想稱讚一位短曲髮的女店員無論散客定熟客他都非常有禮貌地招呼。真心講句今時今日好多食店就算食物出名店員態度亦會令到食客有冇興趣再去幫襯。恭喜店主請到一位有熱誠嘅店員我會一定再去幫襯。…查看更多

慕名而來幾位朋友推薦一定要嘗試瓦煲沙嗲牛肉麵今天特別過來 瓦煲的沙嗲牛肉麵果然不同凡響沙嗲味道有層次 下次一定會嘗試粉絲 應該更加入味及濃郁保持新鮮及熱度 牛肉份量頗多 還可以選擇粉絲和米粉沙嗲牛肉的調味很好 不停食到大量花生但建議進食速度要快 因為煲的熱度會引致面條很快變稔 除了沙嗲牛的 也可以揀豬扒和牛扒另外 姐姐的服務態度很好 還很詳細介紹餐牌的細節 另外也有午餐 今天試了乾炒牛河 有鑊氣 同樣地牛肉及配菜份量足夠 值得一讚…查看更多

閒日大約中午幫襯，坐低冇耐就差唔多滿座。沙嗲夠香濃，花生粒增口感，同方榮記有得比。牛肉正常發揮，分量亦足夠。因為㷛仔會保溫，食要掌握時間，食得太慢麵會浸到太軟太糊，影響味道同質感。如果時間掌握得宜，麵唔會吸太多沙嗲汁。剩低嘅汁可以配多碗白飯，味道同配麵食唔同，係另一種享受。另外小店沙嗲出色之餘人情味亦非常濃厚，店員同街坊客人有傾有講，對新客如我亦服務周到，感覺溫馨。見到唔少其他客人都叫乾炒牛河，絕對有下次。…查看更多

經朋友推介，專程開車嚟試吓，街位搵唔到，唯有泊去商場停車場，好彩唔太遠。 約六點鐘到達，餐廳只有三成客，即點個沙爹牛肉煲仔丁麵，上枱時熱騰騰，賣相唔錯，值得加分，不其然會將佢同方榮記嘅沙爹牛肉湯麵比較，煲仔上係好吸引，沙爹汁亦香濃，可惜感覺上啲牛肉用過鬆肉粉或梳打粉處理過，個人唔太鍾意。 相比下，方榮記同價位啲牛肉較新鮮。 反而煲仔飯有驚喜，點了豉椒排骨飯加臘腸，即叫即做，飯蕉好好食。 廁所就難攪啲，男廁壞咗，女廁非常狹窄、地滑！…查看更多

難得今日有時間去慈雲山行一轉，梗係要試吓榮記餐室煲仔麵。我同同事一齊叫咗沙嗲牛肉煲仔麵加炸布腸經典食物果然不同凡響。懷舊瓦煲，熱辣辣公仔麵，見到都熱血沸騰，濃郁沙嗲味，齒頰留香。而且還有現時很喜歡吃的布腸，童年回憶返晒嚟。同事話我成個細路仔咁。😂😂😂雖然冇特別嘅裝修，但係門口大紅燈籠高高掛，此情此景，細路仔是成日都見。好懷念以前。不過因為太飽，今次陳皮蜜餞金蠔，下一次再嚟一定要試吓。原來平時星期日會收五點，下次要帶老公同大隻仔嚟一定要早啲😅😅🤣…查看更多

去到現場看見滿地下都是油漬，伙記冇禮貌，而且間餐廳入面是臭的，所以選擇叫外賣不吃堂食，始終地點唔方便，反正一埸去到就試試，百幾蚊一個煲仔飯俾啲咁嘅貨色我，寧願食普通茶記好過。拎多包豉油都嘴藐藐…查看更多