影片
更多
2015-12-17
316 浏览
一直食左好多年，間唔中都會去食，今日收工，一個人走去食麵，其實都已經見到衛生環境差左好多，不過諗住岀去食野係咁上下，見到啲價錢，36元两個餸，加餸又10元，都幾貴！我叫左個油麵加大腸牛筋腩，碗麵一到，啲牛得幾粒，又唔見有筋，黎左幼麵！咁我同姐姐講，我叫油麵唔係幼麵，跟住佢俾張紙我睇，我真係圈左幼麵，我知係我錯，我只係好有禮貌同佢講，我唔食幼麵，我知係我圈錯，可以換嗎？哇，我都未講完，啲阿姐就大大聲鬧，你圈錯關我乜事，上左枱冇得換。。。。。不斷鬧，唔換冇所謂，唔需要咁惡，跟住我話我俾錢要油麵，佢keep住勁惡，又話收15元個麵，跟住我真係好嬲，我唔想再食到有肚氣，我咪話咁我唔要啦！（我一直好聲好氣，因為我知係自己圈錯）點知佢變本加厲，不斷人身攻擊，話我一個女仔黎玩野Ar,又話要又話唔要，又講咩呢個女仔乜乜乜，我頂，真係著左，火都黎，我咪話你上左枱我唔可以唔要，你而家個油麵未上枱我都可以唔要😡跟住佢就話唔要大把人要，加一啲難聽說話，我食左一粒大腸，仲要係腥㗎，呢一刻，我頂唔住，成碗冇食，俾錢走人。。我發誓，我係唔會再去食野，貼錢買難受。。（題外話。。我上星期去灣仔一間出名車仔麵，我前面個男
我發誓，我係唔會再去食野，貼錢買難受。。
（題外話。。我上星期去灣仔一間出名車仔麵，我前面個男人，唔記得講走腩汁，食左一啖，同個阿姐講佢唔食牛，個阿姐都立即幫換過啲湯，有時客人都會有錯，做到咪做囉，做唔到都唔洗鬧人Ar)
唔憂做係咪就可以橫行，冇服務？
我最怕打咁多字，我都頂唔住要打。。。。👋🏼永遠Black list
张贴
