豐味車仔麵

营业中

休息中

酸辣粉車仔麵($33連一餸)旺角新開既車仔麵店，有得食埋酸辣粉同麻辣燙，樣樣都好似好正，梗係一雞兩味，食酸辣粉加車仔餸啦🤣。酸辣粉司令揀左大辣，食落夠重口味，酸度好夠，不過司令就應該再叫辣啲😂，粉煮得偏淋身，司令就好喜歡啦，但如果彈牙控就建議落單要求唔好煮咁耐😂。餸菜每加一款加$7，豬腸帶肥又入味，牛腩半筋半肉，雞翼有滷水味又唔會好霉，三款都推薦可以一試！最有驚喜既環節，係樓面兩個女仔態度超好，有問必答，而且會提醒客人可以撈勻先食，食完又問下意見咁，雖然其實係好簡單就做到既事，但真係一百間餐廳入面未必有一間會咁做(講真出去食野唔比店員西面已經偷笑🤨)，希望之後做耐左都可以keep住咁好態度❤️。