豐味車仔麵 (已結業)

豐味車仔麵 (旺角)。2025/Sept/Sat/16:56。1人共$54 免加一。⭐️⭐️⭐️地道車仔麵。.................⭐️位置，不近地鐵，唔易揾。⭐️⭐️環境，坐得比較迫。⭐️⭐️⭐️服務，招呼有禮。.................⭐️⭐️⭐️1餸1麵小辣滷汁$29。⭐️⭐️⭐️油麵，夠爽。⭐️⭐️⭐️⭐️豬大腸，超好食。⭐️魚肉春卷+$8，個人不喜歡，太淋。⭐️⭐️⭐️豬紅+$8，一般。⭐️⭐️凍檸茶跟餐免費，正常。⭐️⭐️忌廉+$9。.................九龍 油麻地 通菜街2A-2P號鴻光商場地下2J號舖油麻地港鐵站 A2出口...................…查看更多

車仔麵絕對是香港既特式食品之一，好既車仔麵其實吾容易，湯底濃得黎又不可以太咸，食完口渴，呢份獨特不是每處可見。呢間麵鋪位於女人街，2：30後有下午茶，下午茶餐最平29元，一餸一麵加飲品，仲要是冷熱飲品同價。餸既選擇好多，點了豬腸跟魚肉春卷配薯粉，加多$8元就變兩餸麵，只要$37元。其實都幾多料同大碗。豬腸洗得乾淨，4件大大件，魚肉春卷有兩條，太好味。湯底可以加汁，選了鹵水汁，更加好味星期六下午茶時段坐滿人，絕對試得過。…查看更多

近排非常之熱嘅豐味車仔麵，今日3點左右到，但唔係好多人，整體還境還算不錯，起碼四週都有清潔感覺⋯原來佢哋有下午茶餐，叫任何一碗車仔麪，都會運冷熱飲品一杯，咁我就叫一碗：水魷魚/蘿蔔（廚師推介）/豬脹（同樣係廚師推介），佢哋有車仔麵湯底，麻辣湯底，同四川湯底選擇，不過就每個都唔同價錢，咁我就叫咗車仔麵湯底，加小辣同粗麵底⋯先來一杯凍檸茶，茶底非常唔錯，有茶餐廳水準✌🏻⋯終於主角上場，賣相亦非常唔錯，先試吓件水魷魚，水魷魚一向都係味道唔太大，不過做得相當爽脆，一啲都唔會太韌或者難咬，效果相當唔錯！再試吓個粗麵底，鍾意粗麵因為佢掛汁，亦都滾得相當有水準，唔會太腍又唔會太硬，係我鍾意嘅口感正！Jo試吓個豬大腸，口感唔錯，而且好容易咬開，加上個滷水汁整體感覺非常理想，唔怪之得係廚師推介⋯最後私下個蘿蔔，呢個有啲問題，可能啲皮批得唔夠深，所以有渣滓，呢個我唔會推介⋯整體嚟講$48.3餸麵唔算太平，但係質量係有水準，回頭率應該相當高⋯ …查看更多

#豐味車仔麵餐廳依家做緊7周年活動！！碗內如有《免費》依兩個字，我好lucky中咗！店員服務唔錯，上菜快！四餸車仔麵＄53＜魚肉春卷，豬大腸，雞翼，魚皮餃>性價比高高！大大碗豬骨清湯加腩汁粗麵，湯底伴隨有蘿蔔略帶甜味C腩汁算濃郁，粗麵份量足夠，麵質有彈性，叫咗四款餸都係招牌菜，味道唔錯！豐味車仔麵旺角通菜街2A-2P號鴻光商場地下2J號舖…查看更多

紅薯粉口感煙煙韌韌 配埋香甜嘅滷水汁 勁入味 配料叫咗芋絲 蘿蔔 蠔油冬菇 同埋娃娃菜 索晒滷水汁 食落甜甜地 蘿蔔夠晒鮮甜 大大嚿冬菇足足有差唔多5粒 平時食開紅薯粉都係配開酸辣湯 冇諗過配埋滷水汁都幾好食…查看更多

餐廳做緊七周年活動 碗內有免費两字 該碗粉麵就免找數 每日随機送出廿碗粉麵 而我竟然抽中咗😆自選車仔麵車仔麵一定要食滷水汁㨂公仔麵而豐味嘅配料都幾多選擇🥰👍🏻㨂咗酸齋 芋絲 雞翼 貢丸 同埋豬腸 真心推介雞翼滷得好入味👍🏻🥰豬腸都好乾淨冇壓味👍🏻🥰…查看更多

抽中咗全碗免費🆓今日想食得健康啲 就嗌咗淨餸佢個蠔油冬菇都幾入味 大大粒同埋佢嘅豬骨湯勁清甜我平時唔飲湯嘅 都忍唔住飲咗第一次食豬紅個口感都幾滑溜 唔會容易散開豬紅都係健康嘅選擇下次食車仔麵都會嗌佢！蘿蔔都唔錯 幾清甜車仔麵仲有薯粉可以揀 款式選擇都幾多 仲有麻辣燙同埋重慶酸辣麵 價錢實惠 而且味道唔錯👍🏻值得一試…查看更多

叫左個墨魚丸，同埋雞中翼，一食落去個丸有啲奇怪，但係冇為意照食咗，結果一個鐘頭後就食物中毒開始肚痛同埋嘔，間野長期個漂白水味勁大，啲姐姐啲態度又勁差🙏🏻唔會再食…查看更多

#豐味車仔麵 早兩三年前已經知道有呢間舖頭，不過因為唔同原因一直都冇去食。近期見到佢哋做緊大優惠有機會免費食麵，雖然明知好運不是我都想去試一試。原來佢有下午茶兩點半後開始送飲品，$29一餸一麵當然唔夠，每家一餸加$8，今次叫咗三餸$45。豬大腸非常一流，夠淋夠入味而且仲有少少肥，暫時食過咁多間車仔麵嚟講做得最好👍豬紅都做得唔錯，味道雖然唔係最傳統嗰種，但都算可以，至少唔係白烚無味嗰種。近期多食咗蘿蔔，質地都夠淋一種清甜味。油麵雖然浸咗一陣但仍然幾爽口。免費麵就食唔到，但下午茶時段飲到杯免費凍檸茶都算唔錯，係真心唔錯。食完今次之後恐怕其他嘅豬大腸都要比下去😅…查看更多

《豐味車仔麵の食評》 by@ihungry.hk嚟香港，點伯唔食返碗地道車仔麵🥰？位於旺角豐味車仔麵，裝修充滿懷舊港式風味，提供多達42款不同配料，價錢仲要超超超抵食，口味都非常地道，真係應有盡有！🔸『港式車仔麵 - $29』▶️另加餸每款$8小編揀嘅湯底用啲上等豬骨同雞骨慢慢燶滾製成，香噴噴，濃郁啖啖有味！麵粉新鮮度高,彈牙彈牙嘅口感好正啱！車仔麵提供多達42款不同配料，配料非常新鮮！🔸『正宗重慶酸辣粉 - $34』▶️另加餸每款$8重慶人祖傳嘅手藝，酸辣味重到入咗肺！既酸又辣，經典滋味，令到啲酸辣粉入晒味，好滿足！配上獨特嘅醃料同香菜，辣到流眼淚都好滿足啦!🤪iHungry肚餓指數：7.8/10…查看更多

我老婆：今日好想食車仔麵。朋友介紹一定要去旺角豐味試一試。放工後拖着疲累的身軀，去到店舖見到環境乾淨光猛，服務員態度亦好好，即刻坐低睇吓食咩先！點完嘢食之後見到咁啱店舖做緊七周年慶祝，每日隨機送出20碗麵。心諗平時六合彩又唔見我中，我應該都冇份。點知碗麵嚟到嘅時候竟然寫住免費！開心到彈起～！多謝豐味！好啦，講吓碗嘢食先。魷魚夠爽脆，牛丸亦彈牙。朋友果然冇介紹錯～下次必定會再嚟～我本人：車仔麵嚟講算幾抵食。最近經濟唔好，財政上有些困難，而家送碗麵俾我哋，真係雪中送炭。…查看更多

Fung Mei Noodle is celebrating their 7th anniversary and is giving away 20 bowls of free cart noodles daily!Felt like having something more exciting for my taste buds so I picked hot and sour potato noodles with beef brisket, beef tendons, choy sum and radish. The potato noodles were soft and smooth. My favorite topping was the extra tender and gelatinous beef tendons.My mom was super lucky to receive a bowl of free noodles! Her choice was mixian with pig red, tofu puff, fish ball and konjac roll in beef broth. The pig red was a standout which was moist and velvety and had soaked up the flavors of the savory soup.Guests also receive a complimentary drink for any order of cart noodles during afternoon tea hours. Milk tea was exceptionally intense as I requested no ice and no sugar.…查看更多

豐味車仔麵旺角通菜街2A-2P號鴻光商場地下2J號舖味道評分:☄️(必食之選)>☀️>🌤>⛅️>💨☄️正宗重慶酸辣粉4餸 $40每日限20個嘅免費碗居然比我地抽中左！！！臭手運嘅我表示係咪要開始轉運啦🥹🥹🥹4個餸我分別簡左雞翼，魚肉春卷，午餐肉同埋豆卜。所有餸都幾岩我口味，魚肉春卷要食！豆卜浸透醬汁☺️午餐肉有兩塊，仲要係切到大大塊，食落就係大滿足❤️值得稱讚嘅仲有酸辣粉同車仔麵一樣咁自由可以自己簡辣度同埋麵底，岩哂我依啲唔食得辣都想食酸辣嘅人！☄️港式車仔麵 3餸 $32（另加餸+$8）依碗麵性值比都幾高！我簡左4餸紫菜、蘿白、豬紅、豬皮，全部都好推薦☺️蘿白完全冇渣，每樣都有至少兩件，絕對唔馬虎！中意腩汁嘅仲可以落單時圈埋，湯底更濃郁！✅想睇更多食評就要follow @gulugirl102 🐰…查看更多

一直都鐘意食車仔麵，朋友同我講豐味車仔麵最近有一系列精彩的7周年慶祝活動，每日隨機送出20碗免費車仔麵的活動。碗內有「免費」二字的幸運兒就可以免費享用一碗車仔麵。咁就要去碰吓運氣啦，點知運氣好好 中咗一碗車仔麵。豐味車仔麵位於一條小巷內，環境雖然不大但十分整潔舒適。店內採用木質裝潢，配以懷舊的車仔麵擺設，氣氛晤錯！我中咗免費車仔麵，揀咗魚片頭、滷水蛋、蘿蔔、魚皮餃、仲揀咗最鐘意嘅河粉，用咗腩汁湯底。麵條Q彈有勁，魚片鮮嫩多汁，滷水蛋同蘿蔔好入味魚皮餃餡料飽滿，河粉吸收晒腩汁湯底，好正。朋友食得辣，揀咗正宗的重慶酸辣粉，用咗薯粉、魷魚、牛腩、豬紅和魚肉春卷作配料。薯粉Q彈，湯頭酸辣開胃，配料都好高質！…查看更多

天氣熱有時候更想食辣，最近就去左【豐味車仔麵】食野。雖然個名有車仔麵3個字、但就唔只車仔麵食、仲有酸辣粉同麻辣燙。好辣既我當然叫左酸辣粉。$34包一餸、之後每加一餸就加$8。我就叫左酸辣粉小辣小酸配4餸，雞中翼、魚肉春卷、響鈴同芝士丸。辣度同酸度岩岩好、薯粉都好入味、而且爽口滑溜。雞中翼鹵到好入味、魚肉春卷同響鈴吸收曬D湯汁好正！非常推薦呢3樣餸。餐廳做緊7周年活動，碗內有免費二字、 該碗粉麵就免費， 每日隨機送出20 碗粉麵。而我禁岩又有免費二字！！…查看更多