老北京 (已搬遷) 新店位置

星期五放工後來到，無訂檯，好彩有位。之前係網上得知有一道叫蒜腸的小食，好想試下但又怕叫一碟份量太多，所以最後叫左個小拼盤，包括有蒜腸、小黃瓜、海「淅」及牛展。蒜腸切得很薄，蒜味無想像中咁犀利，可以接受，幾特別。小黃瓜是拍的，不是用刀切的，係正宗的做法可惜略帶苦味。海「淅」爽脆，夾住五香牛展的汁食，唔錯。牛展亦切得很薄，夠入味。除了小拼盤外，仲叫了茴香豬肉餃同夾薄餅食的炒牛肉碎。北京風味的餃子就一定要用水煮滾再拌醋食，茴香豬肉餃第一次試，茴香的香咪幾濃好特別，而且我估烹調的時間掌握得好，雖然餃子的入外皮唔太熱但咬後食到內裡的肉汁微熱而且豐富。本人比較鐘意食燒餅不過由於此店無供應(莫非唔係正宗北京野? ) 侍應大姐就叫我order呢個夾薄餅食的牛肉碎，薄餅微暖有12塊，包住濃味的牛肉碎食都唔錯。甜品當然叫左已經唔係咁容易食得到既拔絲蘋果，上菜的時候端來帶住冰粒的涷水，包住焦糖的蘋果下仲有沙糖拌碟，自己動手，爽甜又好味。可以係銅鑼灣食到舊派的北京菜感覺真好而且價錢合理，我一定會再番黎試下佢其他味道的餃子。