今日在铜锣湾食lunch,拣咗一间北京饭店,全部客饭$65 ,而且仲可以以半自助的形式任添饭,糖水和前菜。


环境好有老北京的风格,墙上挂满字画,书卷气十足。自助位置就在中央部份,好方便。叫了两份客饭
糖醋鱼片鱼片外脆内软,外皮好松脆,而且配料多,有菠萝三色椒,葱蒜等等,酱汁甜甜酸酸好𩠌饭。诚意推介。
红烧狮子头手工菜一定要出街食。大大粒狮子头,材料有猪肉莲藕粒和马蹄剁碎,酱汁比较浓。半自助方面,前菜小食方面,有粉丝豆腐,炒芽菜等等土豆丝等等,会不定时添加,而例汤真材实料有诚意。我最欣赏就系麦米绿豆沙,足料有水准,食咗两碗。
总括嚟讲,性价比甚高,有诚意,下次会再encore。

…查看更多





