影片
更多
2022-04-25
46 浏览
NAM VIET NAM CAFE開始正常返工啦！老公話晏晝唔想同人逼，我今日特登揀咗一間情調好啲嘅越南fusion菜食午餐。入餐廳見到綠色、竹葉佈置好似去咗越南咁。餐廳播放住輕輕音樂，一洗早上工作嘅煩囂。坐低老公叫左一杯越南滴漏咖啡☕$30，我就要一杯美人魚的眼淚雞尾酒$58,因為做嘢做到一殼眼淚🤣1.越南滴漏咖啡醇香濃郁，加埋煉奶個啡味依然超突出。如果唔加糖嘅朋友就齋飲面頭果陣滴漏咖啡。2.雞尾酒個造型好特別，星空藍色液體承載住一個泡泡，當你篤穿個泡泡仲有一陣煙飄出嚟，好神奇呀💓，杯雞尾酒嘅名叫美人魚的眼淚，聽個名好似好淒美，但飲落去個感覺竟然係好清新，啱晒呢個炎熱嘅天氣，呢杯嘢一定要柯打，打卡一流呀❣️❣️❣️3. NVN越南法式麵包$78呢個包脆卜卜超級足料，入面啲餡有紮肉、豬耳、青瓜、蘿蔔絲加埋千島醬，超級飽肚呀！鋪頭好貼心，切開兩份，可以同老公share。4. 脆米紙薄餅$54 張米紙好脆加埋啲千島醬沙律醬仲有啲肉粒咬落去脆卜卜，比起傳統薄餅簡直係零罪惡感呀！減重嘅朋友必試。5. 南越蟹肉醬配脆球餅$68個脆球真係好脆一咬即碎，配埋個蟹肉醬一個接一個咁食，食極都唔厭。6. 嫲嫲南
開始正常返工啦！老公話晏晝唔想同人逼，我今日特登揀咗一間情調好啲嘅越南fusion菜食午餐。入餐廳見到綠色、竹葉佈置好似去咗越南咁。餐廳播放住輕輕音樂，一洗早上工作嘅煩囂。
坐低老公叫左一杯越南滴漏咖啡☕$30，我就要一杯美人魚的眼淚雞尾酒$58,因為做嘢做到一殼眼淚🤣
1.越南滴漏咖啡醇香濃郁，加埋煉奶個啡味依然超突出。如果唔加糖嘅朋友就齋飲面頭果陣滴漏咖啡。
2.雞尾酒個造型好特別，星空藍色液體承載住一個泡泡，當你篤穿個泡泡仲有一陣煙飄出嚟，好神奇呀💓，杯雞尾酒嘅名叫美人魚的眼淚，聽個名好似好淒美，但飲落去個感覺竟然係好清新，啱晒呢個炎熱嘅天氣，呢杯嘢一定要柯打，打卡一流呀❣️❣️❣️
3. NVN越南法式麵包$78
呢個包脆卜卜超級足料，入面啲餡有紮肉、豬耳、青瓜、蘿蔔絲加埋千島醬，超級飽肚呀！鋪頭好貼心，切開兩份，可以同老公share。
4. 脆米紙薄餅$54
張米紙好脆加埋啲千島醬沙律醬仲有啲肉粒咬落去脆卜卜，比起傳統薄餅簡直係零罪惡感呀！減重嘅朋友必試。
5. 南越蟹肉醬配脆球餅$68
個脆球真係好脆一咬即碎，配埋個蟹肉醬一個接一個咁食，食極都唔厭。
6. 嫲嫲南越湯 招牌金邊粉$88
呢碗金邊粉真係好似嫲嫲煮嘅咁樣好足料，有牛肉、牛腩、牛丸、牛尾、牛筋,仲有油炸鬼呀。個湯頭又清甜又濃郁。金邊粉好咬口，有彈性，唔係中式河粉咁淋。
特別要讚嘅係職員入面有一位係懷孕嘅女士，雖然佢挺著大肚子，但仍然好親切咁招呼我地，多謝你嘅熱情，祝你事事順利，身體健康呀！
张贴
