小吉子麻辣燙

剛好經過柏樹街，見到尼間鋪新開，睇下菜牌，價錢唔太貴，而且望入去環境都唔錯，於是膽粗粗入去試下。

我地叫左幾樣野食，

雞夠滑，味道岩！

先食口水雞，雞肉嫩滑，而且醬汁濃濃，感覺好新鮮，好岩胃口。

另外，叫左份雞翼，即叫即做，熱騰騰，唔小心熱親嘴唇，大家要小心！
雞翼唔會油淋淋，食入口有蒜香味，小朋友應該都會好鐘意食。
最後，叫左個清湯牛腩米線。

$32蚊食到尼個牛腩真系好低。
湯底好濃豬骨味，蘿蔔甜美，無苦澀味。最重要是牛腩口感同肉質都非常好，最起碼唔會太韌，肉質鬆軟又唔太綿。未試過辣味，下次再試過。

服務態度很好，環境乾淨，食得舒服！