小吉子麻辣燙

呢間麻辣燙都想試一排, 早輪lunch終於試左啦,  $31可以揀3個餸同一款麵 (米線/薯粉/上海麵), 我要左生菜肥牛菜肉餃上海麵 ~ 佢除左麻辣燙仲有麻辣拌, 同埋有幾款飯既午餐~ 第一次食當然試試微辣先啦, 因為唔知佢辣度如何架嘛,  但黎到發覺真係幾微所以食食下都要店員加少少麻辣比我~呢度既服務係相當唔錯丫!! 麻辣味道都ok~ 食完都冇好口渴既感覺! 呢個價錢有三餸我覺得都算抵食, 雖然肥牛得三片就真係有d少, 但好彩生菜都比唔少, 菜肉餃又幾好味..而上海麵既口感都幾彈牙丫~ 環境黎講都ok丫, 都佈置得幾有特色咁~ 下次都會再幫襯下!…查看更多

少黎太子呢邊，於是Openrice下有咩好食，點知想食嘅又偏偏無開，又咁啱俾我呢個好麻辣之人望到小吉子，睇左個menu覺得幾ok就入去。叫左4隻蒜香雞翼，三餸麻辣燙，同埋迎新加1蚊送嘅拍青瓜。麻辣燙無想像中咁辣，店員都有提醒我，所以可以叫大一個辣度，湯非常夠味，而餸都索晒湯汁而不錯。蒜香雞翼真係幾正，28蚊有4隻，香口夠晒味，擺左一陣都仲夠溫度，真心抵食！拍青瓜都毫不馬虎，腌得好好，又爽又夠涼，份量以小菜黎講非常足夠。Conclusion~係我一個好值得支持嘅小店。…查看更多

這大概是我本年吃過最好吃的雞翼，即叫即整金外表香脆，內裡多汁。與朋友另外點了口水雞飯與麻辣面，值得一提食物質素很不錯。朋友很能吃辣，店家原來有幾款秘製自炒的辣油供免費任加。跟老闆聊天得知原來他們剛開業一個月@@!服務態度很好又熱心，有心機的香港小店值得支持!!!…查看更多

剛好經過柏樹街，見到尼間鋪新開，睇下菜牌，價錢唔太貴，而且望入去環境都唔錯，於是膽粗粗入去試下。我地叫左幾樣野食，先食口水雞，雞肉嫩滑，而且醬汁濃濃，感覺好新鮮，好岩胃口。另外，叫左份雞翼，即叫即做，熱騰騰，唔小心熱親嘴唇，大家要小心！雞翼唔會油淋淋，食入口有蒜香味，小朋友應該都會好鐘意食。最後，叫左個清湯牛腩米線。$32蚊食到尼個牛腩真系好低。湯底好濃豬骨味，蘿蔔甜美，無苦澀味。最重要是牛腩口感同肉質都非常好，最起碼唔會太韌，肉質鬆軟又唔太綿。未試過辣味，下次再試過。服務態度很好，環境乾淨，食得舒服！…查看更多