新記美食

营业中

休息中

情意結的車仔麵檔 難得過到嚟銅鑼灣，做完嘢都差不多21:00，就梗係試下以前經常食嘅車仔麵檔。因為疫情關係，晚市堂食開到22:00，時間緊迫下就立即飛奔過去，入到新記，原來都仲有唔少食客，於是就問店員仲有冇得堂食？店員話可以，就嗱嗱臨入去坐低點餸。因為都夜喇，唔想食太飽，所以就叫咗個小辣豬大腸加八爪魚米線（2餸麵）。2餸車仔麵首先講豬大腸，滷得非常入味，而且食起嚟唔韌有嚼頭；而八爪魚，唔係唔好食，因為佢唔會入味，而且辣汁都已經融入湯底之中，所以食落冇乜味，真係好後悔冇揀豬紅😔重點係佢個秘製辣汁真係冇得輸，十分惹味，真係成碗麵嘅靈魂所在！不過比起以前嘅味道的確遜色不少，而且份量偏小，性格比唔高。