影片
更多
2024-12-01
242 浏览
朋友一向唔太好魚，嫌佢腥多骨唔好食，但佢話同事介紹話真係好好食，真係唔啱食佢先加個雞煲食，於是就一試。餐廳响尖沙咀地鐵站附近嘅商廈入邊，好易搵。舖頭唔大，7點已經好多人，幾乎枱枱都叫烤魚。佢哋烤魚有兩款，都係用同一款淡水魚煮，我哋叫左江團魚，之後再選味道（點煮），我哋選左老壇酸菜豆花，bb辣，小麻。佢哋用個大鐵pan 上菜，條魚係煎香左再淋啲湯同埋料上去。食第一口，試左魚側邊煎香嘅部份，食落仲好脆口，撈埋啲酸菜同個湯汁，真係超級好食，條魚非常新鮮，魚味好香，超級厚肉，肉質細膩好滑，辣味麻度剛剛好，唔會辣得好辛苦，加上酸菜，極之惹味。完全冇淡水魚常有的佢泥味。最最最重要係佢冇乜細骨，全部都大大條好易忖, 鍋入邊仲有配豆腐同青瓜，得閒可以轉換下口感。我哋都叫左萵荀，食材新鮮。另外叫左個酸辣土豆絲，份量好多，而且切得比較幼，佢比烤魚湯底個辣辣少少，非常爽爽口。職員個個都好落力，同埋友善。今餐朋友食得滿足，好開心.小魚兒地址：尖沙咀金馬倫道16號金馬大廈1樓
餐廳响尖沙咀地鐵站附近嘅商廈入邊，好易搵。舖頭唔大，7點已經好多人，幾乎枱枱都叫烤魚。
佢哋烤魚有兩款，都係用同一款淡水魚煮，我哋叫左江團魚，之後再選味道（點煮），我哋選左老壇酸菜豆花，bb辣，小麻。佢哋用個大鐵pan 上菜，條魚係煎香左再淋啲湯同埋料上去。
食第一口，試左魚側邊煎香嘅部份，食落仲好脆口，撈埋啲酸菜同個湯汁，真係超級好食，條魚非常新鮮，魚味好香，超級厚肉，肉質細膩好滑，辣味麻度剛剛好，唔會辣得好辛苦，加上酸菜，極之惹味。完全冇淡水魚常有的佢泥味。最最最重要係佢冇乜細骨，全部都大大條好易忖, 鍋入邊仲有配豆腐同青瓜，得閒可以轉換下口感。我哋都叫左萵荀，食材新鮮。
另外叫左個酸辣土豆絲，份量好多，而且切得比較幼，佢比烤魚湯底個辣辣少少，非常爽爽口。
職員個個都好落力，同埋友善。今餐朋友食得滿足，好開心.
小魚兒
地址：尖沙咀金馬倫道16號金馬大廈1樓
张贴
