叁不館

营业中

休息中

聽朋友仔話天后開咗間好正嘅打邊爐，咁啱經過附近就一於嚟試吓！果然好介紹我哋選擇兩款湯底，沙嗲湯底同埋蕃茄湯底，沙嗲湯底好惹味，鹹鹹辣辣，湯嘅質地亦都比較濃稠我哋特登嗌咗一盤響鈴，響鈴充分咁吸滿咗沙嗲湯底，一咬落去濃郁嘅沙嗲味喺口內並發出來！真係好正！另一款蕃茄湯底其實都唔輸蝕，湯底好足料，裏面有好多新鮮蕃茄，成個湯底好清新，個人認為咁樣搭配兩種湯底，一種比較濃味一種比較清新，就可以一次過享用晒兩種美味另外都要讚吓佢特色嘅牛肉丸同埋餐肉餃，牛肉丸真係好Juicy，一咬落去啲汁爆出嚟，而且肉質好新鮮，可以睇得出係用咗靚牛肉打成嘅！餐肉搞到好特別，完全唔會過鹹，無論配沙嗲湯底定係蕃茄湯底都別有一番風味！呢間餐廳叫叁不館，佢哋嘅裝修都好有特色，係九龍城嘅懷舊設計，喺裏面食飯就好似穿越去舊時嘅九龍城寨一樣，別具一番風味！